Member of Parliment,
Mysuru - Kodagu Loksabha Constituency
ಸಂಸದರು,
ಮೈಸೂರು - ಕೊಡಗು ಲೋಕಸಭಾ ಕ್ಷೇತ್ರ
Email : mpmysoresimha@gmail.com
Pratap Simha > Bettale Jagattu > ಅಣ್ಣಾ ಹಜಾರೆ ಅಮೆರಿಕದ ಕೈಗೊಂಬೆಯೇ?

ಅಣ್ಣಾ ಹಜಾರೆ ಅಮೆರಿಕದ ಕೈಗೊಂಬೆಯೇ?

1. ನಿಮಗೊಂದು ಪಡಿತರ ಚೀಟಿ, ಚುನಾವಣಾ ಗುರುತಿನ ಚೀಟಿ, ಜನನ ಪ್ರಮಾಣ ಪತ್ರ, ಮರಣ ಪ್ರಮಾಣ ಪತ್ರ ಅಥವಾ ಯಾವುದೇ ಸರ್ಕಾರಿ ಪ್ರಮಾಣ ಪತ್ರಗಳ, ದಾಖಲೆಗಳ ಅಗತ್ಯ ಬಿದ್ದಾಗ ನೀವು ಅರ್ಜಿ ಹಾಕಿದ 15 ದಿನದೊಳಗೆ ಸಂಬಂಧಪಟ್ಟ ಅಧಿಕಾರಿ ಅದನ್ನು ನೀಡಬೇಕು. ಒಂದು ವೇಳೆ ಆತ ವಿಳಂಬ ಮಾಡಿದರೆ ಆತನ ಮೇಲಧಿಕಾರಿ ಹೊಣೆಗಾರನಾಗಬೇಕಾಗುತ್ತದೆ. ಆತನಿಗೂ ಇಂತಿಷ್ಟು ಕಾಲಾವಧಿಯನ್ನು ನಿಗದಿ ಮಾಡಲಾಗಿರುತ್ತದೆ. ಅಷ್ಟರೊಳಗಾಗಿ ಆತನೂ ಸೂಕ್ತ ದಾಖಲೆ ಅಥವಾ ಪ್ರಮಾಣ ಪತ್ರವನ್ನು ಒದಗಿಸದಿದ್ದರೆ ಲೋಕಾಯುಕ್ತ ಅಧಿಕಾರಿಗಳು ಪ್ರಕರಣ ದಾಖಲಿಸಿಕೊಂಡು, ಕ್ರಮ ಜರುಗಿಸಲು ಅವಕಾಶವಿರಬೇಕು. ಹಾಗಾಗಿ ಎಸಿ, ಡಿಸಿ, ಎಸ್ಪಿ, ಡಿಸಿಪಿ ಮುಂತಾದ ಮೇಲ್ದರ್ಜೆಯ ಅಧಿಕಾರಿಗಳಲ್ಲದೆ ತಳಮಟ್ಟದ ಅಧಿಕಾರಶಾಹಿ ವರ್ಗವನ್ನೂ ಜನಲೋಕಪಾಲದ ವ್ಯಾಪ್ತಿಗೆ ತರಬೇಕು.

2. ಪ್ರಸ್ತುತ ಒಬ್ಬ ಭ್ರಷ್ಟ ನ್ಯಾಯಾಧೀಶನ ವಿರುದ್ಧ ಪ್ರಥಮ ಮಾಹಿತಿ(ಎಫ್್ಐಆರ್) ದಾಖಲಿಸಬೇಕಾದರೆ ಸುಪ್ರೀಂಕೋರ್ಟ್ ಮುಖ್ಯ ನ್ಯಾಯಾಧೀಶರಿಂದ ಅನುಮತಿ ಪಡೆದುಕೊಳ್ಳಬೇಕು. ಸ್ವತಂತ್ರ ಭಾರತದ 65 ವರ್ಷಗಳ ಇತಿಹಾಸದಲ್ಲಿ ಹೀಗೆ ಎಫ್್ಐಆರ್ ದಾಖಲಿಸಲು ಅನುಮತಿ ನೀಡಿರುವುದು ಕೇವಲ 2 ಬಾರಿ! ಈ ಹಿನ್ನೆಲೆ ಹಾಗೂ ನ್ಯಾಯಾಂಗದ ಭ್ರಷ್ಟಾಚಾರ ತಾರಕಕ್ಕೇರಿರುವ ಸಂದರ್ಭದಲ್ಲಿ ನ್ಯಾಯಾಂಗವನ್ನೂ 7 ಸದಸ್ಯರ ಜನಲೋಕಪಾಲದ ವ್ಯಾಪ್ತಿಗೆ ತರಬೇಕು, ಪ್ರಕರಣ ದಾಖಲಿಸಿಕೊಳ್ಳುವ ಅಧಿಕಾರ ನೀಡಬೇಕು.

3. ಲೋಕಪಾಲಕ್ಕೆ ಅನುರೂಪವಾದ ಲೋಕಾಯುಕ್ತವನ್ನು ಪ್ರತಿರಾಜ್ಯದಲ್ಲೂ ಜಾರಿಗೆ ತರಬೇಕು, ಸಮಾನ ಅಧಿಕಾರವನ್ನೂ ಕೊಡಬೇಕು.

4. ಮಹಿಳಾ ಸಹಾಯವಾಣಿ, ಅಗ್ನಿಶಾಮಕ ದಳ, ಪೊಲೀಸ್ ಸೇವೆಗಳಂತೆ ಯಾರಾದರೂ ಲಂಚ ಕೇಳಿದರೆ ಕೂಡಲೇ ಜನಲೋಕಪಾಲ ಅಧಿಕಾರಿಗಳಿಗೆ ಕರೆ ಮಾಡಿ ಸಹಾಯ ಬೇಡುವ ವ್ಯವಸ್ಥೆ ಸೃಷ್ಟಿಯಾಗಬೇಕು.

ಇಂತಹ ಕೆಲವು ನಿರ್ದಿಷ್ಟ ಬೇಡಿಕೆಗಳನ್ನಿಟ್ಟುಕೊಂಡು, ಅದಕ್ಕೆ ಗಟ್ಟಿಯಾಗಿ ಅಂಟಿಕೊಂಡು ಕಳೆದ 10 ದಿನಗಳಿಂದ ಅಣ್ಣಾ ಹಜಾರೆ ಉಪವಾಸ ಸತ್ಯಾಗ್ರಹ ಮಾಡುತ್ತಿದ್ದಾರೆ. ಒಂದು ಹೊತ್ತು ಊಟ ಬಿಟ್ಟರೂ ತಲೆನೋವು ಬರುತ್ತದೆ ಎಂದು ಬೆದರುವ ನಮ್ಮ ನಡುವೆ ಒಬ್ಬ ಅಣ್ಣಾ ಇದ್ದಾರೆ ಎಂಬುದೇ ಒಂದು ಸೌಭಾಗ್ಯ. ಎಪ್ಪತ್ಮೂರು ವರ್ಷದ ಅಣ್ಣಾ ಆಯಸ್ಸು ಇನ್ನು ಎಷ್ಟಿದೆಯೋ ಗೊತ್ತಿಲ್ಲ, ಆದರೆ ಅವರ ಬೇಡಿಕೆಯಂತೆ ಈ ಮೇಲಿನ ಅಂಶಗಳನ್ನು ಜನಲೋಕಪಾಲದ ವ್ಯಾಪ್ತಿಗೆ ತಂದರೆ ಅದರಿಂದ ಲಾಭವಾಗುವುದು ಮಾತ್ರ ಮುಂದಿನ ತಲೆಮಾರಿಗೆ. ಇಂತಹ ಅಣ್ಣಾ ಹಜಾರೆಯವರ ಬಗ್ಗೆ ಕಾಂಗ್ರೆಸ್್ನ ಮನೀಶ್ ತಿವಾರಿ, ದಿಗ್ವಿಜಯ್ ಸಿಂಗ್, ಬಿ.ಕೆ. ಹರಿಪ್ರಸಾದ್ ಅವರಂತಹ ವ್ಯಕ್ತಿಗಳು ಹರಿಹಾಯ್ದರೆ, ಅವಹೇಳನಕಾರಿ ಮಾತುಗಳನ್ನಾಡಿದರೆ ಯಾರಿಗೂ ಆಶ್ಚರ್ಯವಾಗುವುದಿಲ್ಲ. ಈ ಕಾಂಗ್ರೆಸ್ಸಿಗರಿಂದ ಏನನ್ನು ನಿರೀಕ್ಷಿಸಲು ಸಾಧ್ಯ ಎಂಬುದು ಗೊತ್ತೇ ಇದೆ.

ಆದರೆ… ದೇವನೂರು ಮಹಾದೇವ, ಡಾ. ಮರುಳ ಸಿದ್ದಪ್ಪ, ಸಿ. ದ್ವಾರಕಾನಾಥ್, ಪ್ರೊ. ರವಿವರ್ಮ ಕುಮಾರ್, ಡಾ. ಕಮಲಾ ಹಂಪನಾ ಮುಂತಾದವರು ಕಾಂಗ್ರೆಸ್ ವಕ್ತಾರರಂತೆ ಅಸಂಬದ್ಧವಾಗಿ ಮಾತನಾಡಲು, ಆರೋಪ ಮಾಡಲು ಹೊರಟರೆ ಗತಿಯೇನು? ‘ಹಜಾರೆ ಒಬ್ಬ ಹಳ್ಳಿ ಮನುಷ್ಯ. ಅವರ ಮುಗ್ಧತೆಯನ್ನು ಕೆಲವು ಹಿತಾಸಕ್ತಿಗಳು ದುರುಪಯೋಗಪಡಿಸಿಕೊಳ್ಳುತ್ತಿವೆ. ಅಮೆರಿಕದ ಫೋರ್ಡ್ ಫೌಂಡೇಶನ್ ಇಡೀ ಹೋರಾಟಕ್ಕೆ ಬೆಂಬಲ ನೀಡುತ್ತಿದೆ. ಇದೆಲ್ಲಾ ಭ್ರಷ್ಟಾಚಾರವಲ್ಲವೆ’ ಎಂದು ಪ್ರಶ್ನಿಸಿದ್ದಾರೆ ಮರುಳಸಿದ್ದಪ್ಪ. ‘ಶಾಸಕಾಂಗ, ಕಾರ್ಯಾಂಗ, ನ್ಯಾಯಾಂಗಕ್ಕೆ ಮೇಲಾಂಗವಾಗಿ ಈ ಮಸೂದೆಯೇನಾದರೂ ಜಾರಿಯಾದರೆ ಕಾರ್ಪೊರೇಟ್ ಸಂಸ್ಥೆಗಳು, ಬಹುರಾಷ್ಟ್ರೀಯ ಕಂಪನಿಗಳಿಗೆ ಕಡಿವಾಣ ಇಲ್ಲದಂತಾಗುತ್ತದೆ. ಪ್ರಜಾಪ್ರಭುತ್ವದ ಆಧಾರಸ್ತಂಭಗಳು ಇಕ್ಕಟ್ಟಿಗೆ ಸಿಲುಕಿ ಯಾರದೋ ಗುಲಾಮರಾಗಬೇಕಾಗುತ್ತದೆ’ ಎಂದು ಗುಡುಗಿದ್ದಾರೆ ದೇವನೂರು ಮಹಾದೇವ! ಇನ್ನು ಕಾನೂನಿನ ಪ್ರಖಾಂಡ ಪಂಡಿತರಾದ ರವಿವರ್ಮ ಕುಮಾರ್ ಅವರಂತೂ ‘ಬಹುಜನ ಲೋಕಪಾಲ ಮಸೂದೆ ಅಸ್ತಿತ್ವಕ್ಕೆ ಬರಬೇಕಿದೆ’ ಎಂದಿದ್ದಾರೆ. ಕಮಲಾ ಹಂಪನಾ ಅವರು, ‘ಹಜಾರೆ ಹುಟ್ಟೂರಾದ ರಾಲೆಗಾಂವ್ ಸಿದ್ಧಿಯಲ್ಲಿ ಕಳೆದ 25 ವರ್ಷಗಳಿಂದ ಪಂಚಾಯಿತಿ ಚುನಾವಣೆಗಳೇ ನಡೆದಿಲ್ಲ’ ಎಂದು ಯಾರಿಗೂ ಗೊತ್ತಿರದ ಸಂಗತಿಯನ್ನ ಹೊರಹಾಕಿದ್ದಾರೆ. ಮುಂದುವರಿದು, ರಾಜ್ ಠಾಕ್ರೆ, ಮೋದಿಯನ್ನು ಎಳೆದುತಂದು ಭಾಷಾಂಧ, ಧರ್ಮಾಂಧ ಎಂಬ ಪದಪ್ರಯೋಗಗಳನ್ನು ಮಾಡಿದ್ದಾರೆ.

ಇದು ಏನನ್ನು ಸೂಚಿಸುತ್ತದೆ?

ತಮ್ಮನ್ನು ಪ್ರಗತಿಪರರು ಎಂದು ಹೇಳಿಕೊಳ್ಳುವ ಇವರ ಬಾಯಲ್ಲಿ ಹೊರಡುವಂಥ ಮಾತುಗಳೇ ಇವು? ಅಣ್ಣಾ ಹಜಾರೆ ಮತ್ತು ಅವರ ಹಿಂದಿರುವ ನಾಗರಿಕ ಸಮಾಜದ ಉದ್ದೇಶವನ್ನು ಪ್ರಶ್ನಿಸುತ್ತಿರುವ ಇವರುಗಳ ಮಾತಿನ ಹಿಂದಿರುವ ಉದ್ದೇಶವಾದರೂ ಯಾವುದು? ಅಮೆರಿಕದ ಪೋರ್ಡ್ ಫೌಂಡೇಶನ್ ಯಾವ ರೀತಿಯ ಸಹಾಯ, ಬೆಂಬಲ ಕೊಡುತ್ತಿದೆ ಎಂಬುದಕ್ಕೆ ಮರುಳಸಿದ್ದಪ್ಪನವರ ಬಳಿ ಯಾವುದಾದರೂ ಆಧಾರಗಳಿವೆಯೇ? ಅರವತ್ತು, ಎಪ್ಪತ್ತು, ಎಂಭತ್ತರ ದಶಕದ ಮಾಮೂಲಿ ಕಮ್ಯುನಿಸ್ಟ್ ಕ್ಲೀಷೆಗಳನ್ನೇ, ಪೊಳ್ಳು ಆರೋಪಗಳನ್ನೇ ಈಗಲೂ ಮಾಡುತ್ತಿರುವ ಇವರು ಹೇಗೆ, ಯಾವ ದೃಷ್ಟಿಯಲ್ಲಿ ಪ್ರಗತಿಪರರು? ಅಣ್ಣಾ ಹಾಗೂ ಅವರ ತಂಡದವರ ಉದ್ದೇಶ ಶುದ್ಧಿಯಿಲ್ಲ ಎಂದೇ ಒಂದು ಕ್ಷಣ ಭಾವಿಸೋಣ. ಅವರ ಉಪವಾಸ, ಹೋರಾಟದಿಂದ ನಾಳೆ ಜನಲೋಕಪಾಲ ಮಸೂದೆ ಜಾರಿಯಾದರೆ ಯಾರಿಗೆ ಲಾಭವಾಗುತ್ತದೆ? ಜೀವನದ ಸಂಧ್ಯಾಕಾಲದಲ್ಲಿರುವ ಅಣ್ಣಾ, ಶಾಂತಿಭೂಷಣ್ ಹಾಗೂ 60ರ ಆಸುಪಾಸಿನಲ್ಲಿರುವ ಇತರ ಸದಸ್ಯರಿಗೆ ಮಾತ್ರವೇ? ಭಾರತದಲ್ಲಿನ ಭ್ರಷ್ಟಾಚಾರಕ್ಕೆ ಕಡಿವಾಣ ಬಿದ್ದರೆ ಫೋರ್ಡ್ ಫೌಂಡೇಶನ್್ಗೆ ಯಾವ ಲಾಭವಾಗುತ್ತದೆ? ಇಂತಹ ವ್ಯವಸ್ಥೆ ಬಂದರೆ ಲಾಭವಾಗುವುದಾದರೂ ಯಾರಿಗೆ? ಲೋಕಪಾಲವೆಂಬುದು ಒಂದು ವರ್ಗ, ದರ್ಜೆಗೆ ಮಾತ್ರ ಅನ್ವಯವಾಗುವ, ಲಾಗೂ ಆಗುವ, ಲಾಭವಾಗುವ ಕಾಯಿದೆಯೇ? ನಾಳೆ ಬೆಳಗ್ಗೆ ನಿಮಗೊಂದು ದಾಖಲೆ, ಪ್ರಮಾಣ ಪತ್ರ ಸರಳ ಹಾಗೂ ತ್ವರಿತವಾಗಿ ಲಭ್ಯವಾಗುವಂತಾದರೆ ಅಣ್ಣಾಗೆ ಗಿಟ್ಟುವುದೇನು?

ಏಕಿಂಥಾ ಅಸಂಬದ್ಧ ಮಾತುಗಳನ್ನಾಡುತ್ತಾರೆ? ಅಪ್ರಬುದ್ಧ ವಾದ ಮಂಡಿಸುತ್ತಾರೆ?

ಜನಸಾಮಾನ್ಯರ ಹಿತಾಸಕ್ತಿಯನ್ನು ಇಟ್ಟುಕೊಂಡಿರುವ ಅಣ್ಣಾನ ಹೋರಾಟ ತಾರ್ಕಿಕ ಅಂತ್ಯದತ್ತ ಆಗಮಿಸಿದೆ. ಇಡೀ ದೇಶವಾಸಿಗಳಿಗೆ ಅನುಕೂಲವಾಗುವ ದಿನಗಳು ಹತ್ತಿರ ಬರುತ್ತಿವೆ. ಸರ್ಕಾರ ಮಣಿದು ಮಂಡಿಯೂರಿದೆ. ಜನ ಅಣ್ಣಾರ ಬೆನ್ನಿಗೆ ನಿಂತಿದ್ದಾರೆ. ಬದಲಾವಣೆ ಸನ್ನಿಹಿತವಾಗಿದೆ. ಆದರೆ ಈ ಪ್ರಗತಿಪರ ಮಹಾನುಭಾವರ ದಲಿತ, ಬಂಡಾಯ, ಪ್ರಗತಿಪರ ಚಳವಳಿಗಳು ಎಲ್ಲಿಗೆ ಬಂದವು ಅಥವಾ ಹೋದವು? ಯಾವ ತಾರ್ಕಿಕ ಅಂತ್ಯವನ್ನು ಕಂಡಿವೆ? ಹಿಂದೊಮ್ಮೆ ಸರ್ವೋದಯವೆಂಬ ಪಕ್ಷ ಕಟ್ಟಿಕೊಂಡಿದ್ದ ಇವರೆಲ್ಲ ಏನು ಮಾಡಿದರು? ಯಾವ ಬದಲಾವಣೆ ತಂದಿದ್ದಾರೆ? ಅವುಗಳಿಂದ ಯಾರ ಉದಯವಾಯಿತು? ಶೇ.3ರಷ್ಟು ಮಂದಿ ರೂಪಿಸಿದ ಕಾಯಿದೆಯನ್ನು ಶೇ.97ರಷ್ಟು ಮಂದಿ ಮೇಲೆ ಹೇರಲಾಗುತ್ತಿದೆ ಎನ್ನುವ ರವಿವರ್ಮ ಕುಮಾರ್ ಅವರ ಗಣಿತ ಜ್ಞಾನದ ಬಗ್ಗೆ ಏನಂತ ಹೇಳುವುದು? ಜಿ. ವೆಂಕಟಸುಬ್ಬಯ್ಯನವರಂತಹ ದೊಡ್ಡ ವ್ಯಕ್ತಿಗಿಂತ ಮೊದಲೇ ಕನ್ನಡ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷಗಿರಿ ಗಿಟ್ಟಿಸಿಕೊಂಡ ಕಮಲಾ ಹಂಪನಾ ಅವರ ದಲಿತ ಪ್ರಜ್ಞೆ, ಮೂಡಬಿದ್ರೆಗೆ ಹೋದಾಗ ಜಾಗೃತಗೊಳ್ಳುವ ‘ಜೈನಪ್ರಜ್ಞೆ’ ನಮಗೆ ಗೊತ್ತಿಲ್ಲವೇನು? ಭ್ರಷ್ಟಾಚಾರವೆಂಬುದು ಯಾವುದೋ ಒಂದು ಜಾತಿ, ಧರ್ಮ, ಮತವನ್ನು ಮಾತ್ರ ಕಾಡುತ್ತಿರುವ ಪಿಡುಗೇನು? ರಾಜಧಾನಿ ದಿಲ್ಲಿಯ ಜಾಮಾ ಮಸೀದಿಯ ಶಾಹಿ ಇಮಾಮ್್ಗೂ ಇವರಿಗೂ ಏನು ವ್ಯತ್ಯಾಸ? ಅದಿರಲಿ, ಕುಮಾರಸ್ವಾಮಿಯವರು ಉಪವಾಸ ಕುಳಿತಿದ್ದಾಗ, 24 ಗಂಟೆಯೊಳಗೆ ಉಸ್ಸಪ್ಪಾ ಎಂದಾಗ ನೀರು ಕುಡಿಸಲು ಹೋಗಿದ್ದವರು ಅಣ್ಣಾ 10 ದಿನಗಳಿಂದ ಉಪವಾಸವಿದ್ದರೂ ಕಾಣುತ್ತಿಲ್ಲವಲ್ಲಾ ಏಕೆ? ಕನಿಷ್ಠ ಅಣ್ಣಾ ಪರ ಒಂದು ಹೇಳಿಕೆಯನ್ನಾದರೂ ಕೊಡಬಹುದಿತ್ತಲ್ಲವೆ? ಭ್ರಷ್ಟಾಚಾರವೂ ಒಂದು ಪಿಡುಗು, ದೇಶದ್ರೋಹದ ಕೆಲಸವಲ್ಲವೆ? ಅದರ ವಿರುದ್ಧ ಟೊಂಕಕಟ್ಟಿ ನಿಂತಿರುವ ಅಣ್ಣಾರಿಗೆ ಒಂದು ಸಣ್ಣ ಬೆಂಬಲ ಸೂಚಿಸಿದ್ದರೆ ಏನನ್ನು ಕಳೆದುಕೊಳ್ಳುತ್ತಿದ್ದರು? ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪನವರ ಭ್ರಷ್ಟಾಚಾರವನ್ನು ಮೌನವಾಗಿ ಸಹಿಸಿಕೊಳ್ಳುವ ಸಂಘಗಳಿಗೂ ಅಣ್ಣಾರನ್ನೇ ಸಂಶಯಿಸುವ ಇವರಿಗೂ ಯಾವ ವ್ಯತ್ಯಾಸವಿದೆ? ಅಲ್ಲಾ, ಒಂದು ಸಣ್ಣ ಕೋಮು ಸಂಘರ್ಷವಾದರೂ ದಿಢೀರನೆ ಪ್ರತಿಕಾಗೋಷ್ಠಿ ಕರೆದು ಬಲಪಂಥೀಯರನ್ನು ತೆಗಳುವ, ಭಗವದ್ಗೀತೆ ಬಗ್ಗೆ ಪ್ರತಿಕಾಗೋಷ್ಠಿ ಹಾಗೂ ಪ್ರತಿಭಟನೆ ಮಾಡಿದ್ದ, ಶಂಕರ್ ಬಿದರಿಯವರು ರಾತ್ರಿ ಹನ್ನೊಂದೂವರೆಗೆ ಪಬ್್ಗಳನ್ನು ಮುಚ್ಚಿಸಿದಾಗ ಬೀದಿಗಿಳಿದಿದ್ದ ಜ್ಞಾನಪೀಠ ನಂಬರ್-7 ಏಕೆ ಏನೂ ಮಾತನಾಡುತ್ತಿಲ್ಲವಲ್ಲಾ? ಅಷ್ಟು ದೊಡ್ಡ ಕಂಠವನ್ನಿಟ್ಟುಕೊಂಡು ಅಣ್ಣಾ ಪರವಾಗಿ ಸಣ್ಣ ಧ್ವನಿಯನ್ನೂ ಎತ್ತಲಾರದಂಥ ಸಂಕಟವೇನಿದೆ ಇವರಿಗೆ?

ಇನ್ನು ಪ್ರಜಾಪ್ರಭುತ್ವದ ಅಂಗಗಳು ಇಕ್ಕಟ್ಟಿಗೆ ಸಿಲುಕುತ್ತವೆ, ಸಂಸತ್ತೇ ಸುಪ್ರೀಂ ಎನ್ನುವುದಾದರೆ ಕಳೆದ 42 ವರ್ಷಗಳಿಂದ ಸಂಸತ್ತು ಹಾಗೂ ಆಳುವವರು ಏನು ಮಾಡುತ್ತಿದ್ದರು? ಒಂದು ವೇಳೆ ಕಳೆದ ಏಪ್ರಿಲ್್ನಲ್ಲಿ ಅಣ್ಣಾ ನಿರಶನಕ್ಕೆ ಕೂರದಿದ್ದರೆ ಇವತ್ತು ಲೋಕಪಾಲ ಮಸೂದೆ ಸಂಸತ್ತಿನ ಮುಂದಿರುತ್ತಿತ್ತೇ? ನಮ್ಮೆಲ್ಲರ ಒಳಿತಿಗಾಗಿ ಅನ್ನ ಬಿಟ್ಟು ಉಪವಾಸ ಕುಳಿರುವ ವ್ಯಕ್ತಿಯ ಉದ್ದೇಶವನ್ನೇ ಶಂಕಿಸುತ್ತಾರಲ್ಲಾ ಇವರನ್ನು ಏನೆಂದು ಕರೆಯಬೇಕು? ವಿಚಾರಗೋಷ್ಠಿಗಳಾಚೆಗೆ ಇವರ ಬುದ್ಧಿ ಬೆಳೆಯುವುದು ಯಾವಾಗ? ಅಣ್ಣಾರನ್ನು ಅಮೆರಿಕದ ಏಜೆಂಟ್ ಎಂದು ಕರೆದ ಕಾಂಗ್ರೆಸ್್ನ ರಶೀದ್ ಆಲ್ವಿಗೂ ಇವರ ಮಾತುಗಳಿಗೂ ಯಾವ ವ್ಯತ್ಯಾಸವಿದೆ?

36 Responses to “ಅಣ್ಣಾ ಹಜಾರೆ ಅಮೆರಿಕದ ಕೈಗೊಂಬೆಯೇ?”

  1. Raghunandan says:

    Well said Pratap..
    keep it up

  2. Shubhananda says:

    Modalu nimma article odutta iddare roma yelutittu… rakta kudiyutittu.. navvu yenadaru madabeku anta josh bartaittu… but now a days… your articles are not like that.. I can agree there is truth.. but not the feel and punch of truth… the one it use to be like ‘SIMHA GARJANE’.. NOW ITS NOT.. WHAT HAPPENED…????

  3. Shobha Desai says:

    papa, enadaru bogalbekalla tavu jnanigalu endu torisalu intha drohigal bagge nimma samay halu mad bedi.

  4. Dear Pratap Sir good evening.why other people wont think like ur written words ie your inner feelings? From one best article many more hearts will rectify errors of their hidden feelings.The India land is proof of world famous persons like Arybhatta who gave first time value of zero in mathematics, Chanukya who gave superb economical theory to this world, Vishweshwarayya famous civil engineer n Mahatma Gandhi many more. So why can not be chance there to born another super man in society of great India? Few famous people wont bear effect of other super man ie one kind of jelous nature as usual character of normal ordinary life. Now the America is facing severe unemplyment n economical crisis n it is in such a place that it can not be explain its pain of super power to this world.Its pocket is becoming so thin just Big brother name is hanging. Rat dies naturally but blame goes to other house poison like that our few so called famous persons blame goes to the America only because it is so far na ! who will listen these words in that country? plz stop blaming other nations. it is our kitchen room problem n we need to clean instead of calling others. Famous people might have been thinking that what they deliver to public will be accepted in same quality, no this is not stone aged scene. People r clever but famous people does not know this that is their bad time! superb article.

  5. lOkesh says:

    ನಮ್ಮ ನಾಡಿನ ದಲಿತ, ಭಂಡಾಯ, ಪ್ರಗತಿಪರ ಸಮುದಾಯದವರೆಂದು ಕೊಚ್ಚಿಕೊಂಡು ಮೆರೆದಾಡುವ ಈ ಜನಕ್ಕೆ ಹಜಾರೆಯವರ ಸಮುದಾಯದ ಎದುರು ಭಂಡಾಯವೆತ್ತುವ ಹಂಬಲವಿರಬೇಕು. 100ರಲ್ಲಿ ನಮ್ಮನ್ನು ಗುರುತಿಸಿದ ಈ ಸಾವಱಜನಿಕರ ೆದುರು ಗುರುತಿಸಿಕೊಳ್ಳಲು ಹುಡುಕಿಲೊಂಡಿರುವ ಹೊಸ ಹಾದಿ ಇರಬೇಕು ಎನಿಸುತ್ತದೆ.

  6. Satish Shet says:

    Nice Article Sir.. ಇದು ನಮ್ಮ ದೇಶದ ದುರದ್ರಷ್ಠ 🙁

  7. narahai says:

    article is too good but u missed agni sridhar name..

  8. anantha murthy budugumpa says:

    i hope u r not blaming on dalit writers or think tanks…what your BJP has done to bring this bill..u jus want to sit when a person sits with KAAVI dress.its their expression,u cant blame them.I DON’T KNOW WHEN U WILL STOP TALKING ABT UR BRAHIMINISM.

  9. Srini says:

    ಮರುಳಸಿದ್ದಪ್ಪ – Doesn’t his name itslef shows what type of man he is…

  10. Paduvarahalli Pandava says:

    A much needed article to expose the so called intellectuals. There is a bunch of Buddhijeevis specially in Mysore region who are now enjoying their retired life in Pensioner’s Paradise, but always have some irks in their tongue which makes them to speak out some non sense. They don’t have any issue when De.Javaregowda and his son granted all jobs in the prestigious mysore university to their kith and kin which were actually meant for backward class people. The same ppl now targeting Anna Hazare who is doing something good for the country. No need to mention about Jnanapeetha-7 who always looks for publicity. Its really a shame for all kannadigas that Mr Ananthamurthy as well as Girish Karnad stands with great Jnanapeethis like Bendre, Karanth, kuvempu,masthi. Ppl should ignore these budhijeevis and should strongly support for the Lokpal bill.

  11. Prashant Bikle says:

    good one pratap

  12. Gururaj M says:

    Good article… Jai Anna.

  13. Nagaraja says:

    You are absolutely right. These are all publicity stunts. Our public know about these fellows better. Whenever something happens these people will be there to give a controversial statement.

  14. Prasanna G Bhat says:

    Very correct.. Don’t know what do these so called intellectuals think of themselves…I was wondering where did Jnanpith Awardee no.7 went…I want to know who gave these names to them…

  15. Yathi says:

    Very nice article sir. Jai anna hazare…..

  16. sudeesh says:

    ಕುಮಾರಸ್ವಾಮಿಯವರು ಉಪವಾಸ ಕುಳಿತಿದ್ದಾಗ, 24 ಗಂಟೆಯೊಳಗೆ ಉಸ್ಸಪ್ಪಾ ಎಂದಾಗ ನೀರು ಕುಡಿಸಲು ಹೋಗಿದ್ದವರು ಅಣ್ಣಾ 10 ದಿನಗಳಿಂದ ಉಪವಾಸವಿದ್ದರೂ ಕಾಣುತ್ತಿಲ್ಲವಲ್ಲಾ ಏಕೆ?

    ಜ್ಞಾನಪೀಠ ಪ್ರಶಸ್ತಿ ಕೊಟ್ಟವರ ಋಣ ತಿರಿಸಲು

  17. Prashant Mane. Dharwad. says:

    Supper article Pratap ji, i like it.. jai anna hazare,

    Ellaru helutiruvaru jai anna jai anna
    Janalokapal jarigege navellaru benbala kodona,
    Adu jarige bandare horabilutte ellara banna,
    Anna edurugade sarkaravuu ayta sanna….??????

    Janalokapal jarige taralu sarkarakke enide bhaya..??
    Bhrashtachara nammellarigu madide tumba gaya..
    Ondilla ondu dina Janalokapalakke sikke sigutte jaya,
    Age agutte bhrashtachara maya,

  18. Ganesh Kurvinkop says:

    Very good one sir

  19. Raghavendra Shenoy says:

    Good one pratapsimha….I am watching all your discussion regarding same issue in news channels also..

  20. Amshith says:

    sprb article…… we expect samething from all these persons…….

  21. M.S.Natekar says:

    Excellent, they should come out & respond to this!!! if they really respect the country & the people.

  22. nandi says:

    ಮಹನೀಯರೇ,
    ನಿಮ್ಮಿಂದ ಇನ್ನಷ್ಟು ಇಂಥಹ ಲೇಖನಗಳು ಮೂಡಿ ಬರಲಿ. ಸತ್ಯವನ್ನು ಒರೆಗೆ ಹಚ್ಚುವಂತಹ ನಿಮ್ಮ ಬರಹಗಳಿಗೆ ಯುವಜನತೆಯನ್ನು
    ಬಡಿದೆಬ್ಬಿಸುವ ಶಕ್ತಿಯಿದೆ. ಆ ಭಗವಂತ ನಿಮಗೆ ಅನಂತ ಶಕ್ತಿ ಕೊಡಲಿ.
    ತುಂಬು ಹೃದಯದ ಅಭಿನಂದನೆಗಳು.
    ನಿಮ್ಮ ವಿಶ್ವಾಸಿ,
    ನಂದಿ, ಮಲೆಬೆನ್ನೂರು. ದಾವಣಗೆರೆ.

  23. Ravi says:

    Houdu neevu heluvudella sathya, sathyavannallade beranu heluvudilla!

    Pratap avare ellavannu ondu vibhinna dhrushtikonadinda noduvude nimma kelsa ansutthe alva…matthe adu work saha agutthe 🙂

    It’s really a great article. We need to give a try for this change.

  24. Mohan says:

    ನಮ್ಮ ಮಾಧ್ಯಮದವರು ಈ ಕೋತಿಗಳನ್ನು ಅಟ್ಟಕ್ಕೆ ಹತ್ತಿಸಿದ್ದೇ ದೊಡ್ಡ ತಪ್ಪು,ಈ ಕೋತಿಗಳನ್ನು ಕೆಳಕ್ಕೆ ಇಳಿಸುವುದು ನಮ್ಮೆಲ್ಲರ ಕರ್ತವ್ಯ. ಬುದ್ದಿ ಇರುವವರು ಇವರನ್ನು ಲದ್ದಿಜೀವಿಗಳೆಂದು ಕರೆಯುತ್ತಾರೆ !

  25. Mohan says:

    ನಮ್ಮ ಮಾಧ್ಯಮದವರು ಅಣ್ಣಾ ವಿರೋಧಿ, ಈ ಕೋತಿಗಳನ್ನು ಅಟ್ಟಕ್ಕೆ ಹತ್ತಿಸಿದ್ದೇ ದೊಡ್ಡ ತಪ್ಪು,ಈ ಕೋತಿಗಳನ್ನು ಕೆಳಕ್ಕೆ ಇಳಿಸುವುದು ನಮ್ಮೆಲ್ಲರ ಕರ್ತವ್ಯ. ಬುದ್ದಿ ಇರುವವರು ಇವರನ್ನು ಲದ್ದಿಜೀವಿಗಳೆಂದು ಕರೆಯುತ್ತಾರೆ !

  26. sowmya says:

    ivrella politicians Baalangochigalu ashte……………………….
    every common man in INDIA supports ANNA for a good cause, so that our future generation should not suffer like us.

    Y should we fill politicians and dirty officers and these STUPID people’s pocket ?
    It’s our hard earned money.

    They are proving that ‘POLITICS is the last bench of SCOUNDREL’S ‘,
    these so called people who butter scoundrel’s and get fake eligibilty to awards and rewards obviously support politicians.

  27. Yogish m shetty says:

    Pratap Sir… great artical… i really love your explanation style.

  28. vinayak kallannavar says:

    Sir, I remeber the article about gandiji written by you in which you raised number of questions on Gandi ………
    Anna Hajare is supporter or follower of Gandi…..
    I want to know the comparison between theese two national leaders……..

  29. Prashant.M.Hullatti says:

    Dear sir
    In my opinion in for the politician are real CRIMINAL for the “INDIA”

  30. divivinay says:

    pratapji man should have open mind and boldness to tell the truth you have both ,,,,,,,,,,,,, marula sidappa name it self tells what kind of person he is……..
    a nimance scientist.

  31. divivinay says:

    gandhiji was not national hero, i agree he had so many morals in his life,,,,,,
    i even respect the way he lived,, but never think he gave us freedom,,,,
    gandhiji was participated in freedom moment but he did not know the real meaning freedom,,,,, our nation failed to know the real leaders its our bad luck,, but again came to satyagraha ,,, independent moment was not real time to do the satyagraha,, if you know the geeta you can understand what it tells about,,,,
    anna hazare is gandhijis follower,,, its not a sin any body can follow anybody,,,,,,,,,,, jan lokpal issue is really good,,,,, anna ji is a real hero,,,,,,,, following gandhiji is not bad,, but the way people think gandhiji is bad,
    i hope vinayak kallannavar got the answer,, more over i am not pratapji spoke person,, i just share my opinion.

  32. Praveenkumar says:

    Hi ‘PRATAP’ sir,
    i am one of the very BIG fan of yours. & am always accepting your chaleging journalism & your writing.
    Keep going sir . . . . . . . .

  33. MANJUNATH GUNAGA says:

    well said pratap.. we need ten more people like you.

  34. dilip shetty says:

    very good article,, thank u

  35. sham says:

    50 varsha desha alida congressigarige brashtachara annodu usiratadaste mukyavagide, anta congressigar usiratavannu nillisalu horatiruv Annaji bagge congress battangigalad Manish .Tiwari BK harishprasad muntad bogalegalu matadtidave

  36. sukumar shetty says:

    Super.Every real indian need to support Anna.