Member of Parliment,
Mysuru - Kodagu Loksabha Constituency
ಸಂಸದರು,
ಮೈಸೂರು - ಕೊಡಗು ಲೋಕಸಭಾ ಕ್ಷೇತ್ರ
Email : mpmysoresimha@gmail.com
Pratap Simha > Bettale Jagattu > ಬಿಜೆಪಿ-ಬಿಎಸ್‌ವೈ=2, ಬಿಜೆಪಿ+ಬಿಎಸ್‌ವೈ=…?

ಬಿಜೆಪಿ-ಬಿಎಸ್‌ವೈ=2, ಬಿಜೆಪಿ+ಬಿಎಸ್‌ವೈ=…?

ಜಗದೀಶ್ ಶೆಟ್ಟರ್

ಸದಾನಂದ ಗೌಡ

ಕೆ.ಎಸ್. ಈಶ್ವರಪ್ಪ

ಆರ್. ಅಶೋಕ

ಪ್ರಹ್ಲಾದ ಜೋಶಿ

ಅನಂತ ಕುಮಾರ್

ಒಬ್ಬ ಹಾಲಿ ಹಾಗೂ ಒಬ್ಬ ಮಾಜಿ ಮುಖ್ಯಮಂತ್ರಿ, ಹೀಗೆ ಇಬ್ಬರು ಮುಖ್ಯಮಂತ್ರಿಗಳು. ಇಬ್ಬರು ಹಾಲಿ ಉಪ ಮುಖ್ಯಮಂತ್ರಿಗಳು. ಇವರಲ್ಲದೆ ಉತ್ತರ ಕರ್ನಾಟಕದ ಮತದಾರರು ಪಕ್ಷದಿಂದ ದೂರವಾಗದಂತೆ ತಡೆಯುವ ಸಲುವಾಗಿಯೇ ನೇಮಕಗೊಂಡ ನೂತನ ರಾಜ್ಯ ಬಿಜೆಪಿ ಅಧ್ಯಕ್ಷರು. ಅಷ್ಟೇ ಅಲ್ಲ, ಕರ್ನಾಟಕ  ಬಿಜೆಪಿಯ ‘ರಾಷ್ಟ್ರೀಯ’ ಚಹರೆ(ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ)! ಒಲ್ಲದ ಮನಸ್ಸಿನಿಂದ ಕಡೆ ಕ್ಷಣಕ್ಕೆ ಆಗಮಿಸಿದ ನರೇಂದ್ರ ಮೋದಿಯವರನ್ನು ಹೊರತುಪಡಿಸಿದರೂ ಪಕ್ಷವನ್ನು ಕಟ್ಟಿ ಬೆಳೆಸಿದ ಹಿರಿಯ ನೇತಾರ ಲಾಲ್‌ಕೃಷ್ಣ ಆಡ್ವಾಣಿ ಹಾಗೂ ಸುಷ್ಮಾ ಸ್ವರಾಜ್. ಇವರೆಲ್ಲರೂ ರಾಜ್ಯದುದ್ದಗಲಕ್ಕೂ ಪ್ರವಾಸ ಮಾಡಿದರು, ಮಾಜಿ ಮುಖ್ಯಮಂತ್ರಿ ಯಡಿಯೂರಪ್ಪನವರು ಪಕ್ಷ ತೊರೆದ ನಂತರ ಭ್ರಷ್ಟಾಚಾರದ ಕಳಂಕ ನಮ್ಮಿಂದ ದೂರವಾಗಿದೆ ಎಂದು ಸಾರಿದರು.

ಇಷ್ಟಾಗಿಯೂ…

2013, ಮೇ 8ರಂದು ಹೊರಬಿದ್ದ ಫಲಿತಾಂಶ ಹೇಗಿತ್ತು? ಅಧಿಕಾರದಲ್ಲಿದ್ದ ಪಕ್ಷಗಳು ಹೀನಾಯ ಸೋಲು ಕಂಡಿದ್ದನ್ನು ನೋಡಿದ್ದೇವೆ. ಆದರೆ ಮೂರನೇ ಸ್ಥಾನಕ್ಕೆ ತಳ್ಳಲ್ಪಟ್ಟ ಉದಾಹರಣೆಗಳು ಎಷ್ಟಿವೆ ಹೇಳಿ? ಇಬ್ಬರು ಮುಖ್ಯಮಂತ್ರಿಗಳು, ಅಷ್ಟೇ ಸಂಖ್ಯೆಯ ಉಪಮುಖ್ಯಮಂತ್ರಿಗಳು, ರಾಷ್ಟ್ರೀಯ ನಾಯಕರು, ಪಕ್ಷದ ರಾಜ್ಯ ಅಧ್ಯಕ್ಷರು ಅಬ್ಬರದ ಪ್ರಚಾರ ನಡೆಸಿದರೂ 121 ಇದ್ದ ಬಿಜೆಪಿಯ ಸ್ಥಾನಗಳ ಸಂಖ್ಯೆ ಕೇವಲ 40ಕ್ಕೆ ಇಳಿಯಿತೆಂದರೆ ಇವರ ಬಗ್ಗೆ ಜನರಿಗೆ ಎಷ್ಟರ ಮಟ್ಟಿನ ವಿಶ್ವಾಸವಿದೆ, ಇವರ ಮಾತುಗಳನ್ನು ಜನ ಎಷ್ಟು ನಂಬುತ್ತಾರೆ, ಇವರೆಂಥ ಸುಭಗರು ಎಂದು ಯೋಚನೆ ಮಾಡಿ? ನರೇಂದ್ರ ಮೋದಿಯವರು ಚುನಾವಣಾ ಪ್ರಚಾರಾಂದೋಲನಕ್ಕೆಂದು ಬಸವನಗುಡಿ ಮೈದಾನಕ್ಕೆ ಆಗಮಿಸಿದಾಗ ಭಾಷಣಕ್ಕೆ ಮುಂದಾದ ಮುಖ್ಯಮಂತ್ರಿ ಶೆಟ್ಟರ್ ಹಾಗೂ ಅನಂತಕುಮಾರ್ ಅವರನ್ನು ಜನರು ವಾಪಸ್ಸಟ್ಟಿದಾಗಲೇ, ಅಂದರೆ ಮತದಾನಕ್ಕೂ ಮೊದಲೇ ಇವರ ಬಗ್ಗೆ ಜನರಿಗಿರುವ ನಂಬಿಕೆ, ವಿಶ್ವಾಸ ಎಂಥದ್ದು ಹಾಗೂ ಇವರ ಯೋಗ್ಯಾಯೋಗ್ಯತೆಯೇನು ಎಂಬುದು ಜಗಜ್ಜಾಹೀರಾಗಿತ್ತು. ಕೊನೆಗೆ ಮೇ 8ರಂದು ಪ್ರಕಟವಾದ ಫಲಿತಾಂಶದಲ್ಲೂ ಅದೇ ವ್ಯಕ್ತವಾಯಿತು. ಚುನಾವಣೆಗಿಂತ ಸ್ವಲ್ಪ ಮೊದಲು ಅಧ್ಯಕ್ಷರಾದ ಪ್ರಹ್ಲಾದ ಜೋಶಿಯವರನ್ನು ಹೆಚ್ಚಾಗಿ ದೂರುವುದಕ್ಕಾಗುವುದಿಲ್ಲ. ಆದರೆ ಜಗದೀಶ್ ಶೆಟ್ಟರ್, ಸದಾನಂದ ಗೌಡ, ಕೆ.ಎಸ್. ಈಶ್ವರಪ್ಪ, ಆರ್. ಅಶೋಕ ಹಾಗೂ ಅನಂತ ಕುಮಾರರನ್ನಂತೂ ಜನ ಸಾರಾಸಗಟಾಗಿ ತಿರಸ್ಕರಿಸಿದರು. ಅದು ಮೇ ತಿಂಗಳ ಕೊನೆ ದಿನ ಪ್ರಕಟವಾದ ಪಿರಿಯಾಪಟ್ಟಣ ವಿಧಾನಸಭಾ ಕ್ಷೇತ್ರದ ಚುನಾವಣೆಯ ಫಲಿತಾಂಶದಲ್ಲಿ ಮತ್ತೂ ಕಠೋರ ಹಾಗೂ ಹೀನಾಯವಾಗಿ ವ್ಯಕ್ತವಾಯಿತು. 2008ರಲ್ಲಿ ಪಿರಿಯಾಪಟ್ಟಣದಲ್ಲಿ ಗೆಲುವು ಸಾಧಿಸಿದ್ದ ಬಿಜೆಪಿಗೆ 2013ರಲ್ಲಿ ಯಾವ ಸ್ಥಿತಿ ಬಂತು ಅಂದುಕೊಂಡಿರಿ? ಬಿಎಸ್‌ಆರ್ ಕಾಂಗ್ರೆಸ್ ಪಕ್ಷದ ಅಭ್ಯರ್ಥಿ ಐದೂವರೆ ಸಾವಿರ ಮತಗಳನ್ನು ಪಡೆದು ಮೂರನೇ ಸ್ಥಾನ ಗಳಿಸಿದರೆ, ಕೇವಲ ಮೂರೂವರೆ ಸಾವಿರ ಮತ ಪಡೆದ ಬಿಜೆಪಿ ನಾಲ್ಕನೇ ಸ್ಥಾನಕ್ಕಿಳಿಯಿತು! ದೂರದ ಬಳ್ಳಾರಿಯವರಾದ, ಗಣಿ ಧೂಳು ಅಂಟಿಕೊಂಡಿರುವ ಶ್ರೀರಾಮುಲು ಪಕ್ಷಕ್ಕಿಂತಲೂ ಬಿಜೆಪಿ ಕಡೆಯಾಯಿತು.

ಇಂಥ ನಾಯಕ ಶಿಖಾಮಣಿಗಳನ್ನು ಇಟ್ಟುಕೊಂಡು 2014ರ ಲೋಕಸಭೆ ಚುನಾವಣೆಗೆ ರಾಜ್ಯ ಬಿಜೆಪಿ ಧುಮುಕಿದರೆ ಕಥೆ ಏನಾಗಬಹುದು ಊಹಿಸಿ?!

ಮುಂದಿನ ಚುನಾವಣೆಯಲ್ಲಿ ಕಾಂಗ್ರೆಸ್ಸನ್ನು ಕಿತ್ತೊಗೆದು ಅಧಿಕಾರಕ್ಕೇರಲೇಬೇಕೆಂದು ಹೊರಟಿರುವ ಬಿಜೆಪಿಗೆ ಕರ್ನಾಟಕದಿಂದ ಎಷ್ಟು ಸೀಟು ಬಂದಾವು ಎಂದು ಭಾವಿಸಿದ್ದೀರಿ? 2013ರ ವಿಧಾನಸಭೆ ಚುನಾವಣೆಯಲ್ಲಿ ಪಡೆದ ಜಿಲ್ಲಾವಾರು ಮತಗಳನ್ನು ಗಣನೆಗೆ ತೆಗೆದುಕೊಂಡರೆ ಬಿಜೆಪಿಗೆ ಕೇವಲ 2 ಸೀಟುಗಳು ದಕ್ಕಲಿವೆ. ಅವು ಬಿಜೆಪಿ ಸಾಂಪ್ರದಾಯಿಕ ಭದ್ರಕೋಟೆಗಳಾದ ಮಂಗಳೂರೂ ಅಲ್ಲ, ಬೆಂಗಳೂರು ದಕ್ಷಿಣವೂ ಅಲ್ಲ, ಬೆಳಗಾವಿ ಮತ್ತು ಚಿಕ್ಕೋಡಿ! ಆ ಎರಡು ಸೀಟುಗಳೂ ಬರುತ್ತವೆ ಎಂದು ಖಚಿತವಾಗಿ ಹೇಳಲು ಯಾರಿಗೂ ಸಾಧ್ಯವಿಲ್ಲ!! ಏಕೆಂದರೆ ಚಿಕ್ಕೋಡಿಯಲ್ಲಿ ಬಿಜೆಪಿ ಕಾಂಗ್ರೆಸ್‌ಗಿಂತ ಕೇವಲ 4527 ಮತಗಳನ್ನು ಹೆಚ್ಚು ಪಡೆದಿದೆ. ಬೆಳಗಾವಿಯಲ್ಲಿ ಈ ಅಂತರ 14865 ಆಗಿದ್ದರೂ ಈ ಎರಡೂ ಕ್ಷೇತ್ರಗಳಲ್ಲಿ ಬಿಜೆಪಿ ಸಣ್ಣ ಪ್ರಮಾಣದ ಮೇಲುಗೈ ಸಾಧಿಸಲು ಉಮೇಶ್ ಕತ್ತಿ, ರಮೇಶ್ ಕತ್ತಿ ಕಾರಣ ಎಂಬುದರಲ್ಲಿ ಅನುಮಾನವೇ ಇಲ್ಲ. ಇವರು ಮುಂದಿನ ಚುನಾವಣೆ ವೇಳೆಗೆ ಮತ್ತ್ಯಾವ ಪಕ್ಷಕ್ಕೆ (ಬಹುಶಃ ಕಾಂಗ್ರೆಸ್‌ಗೆ) ಹಾರುತ್ತಾರೆ ಎಂಬುದೂ ಅಷ್ಟೇ ಅನಿಶ್ಚಿತ. ಇನ್ನು ವಿಧಾನಸಭೆ ಚುನಾವಣೆಯ ಮತಗಳನ್ನು ದಿಕ್ಸೂಚಿಯಾಗಿಟ್ಟುಕೊಂಡರೆ ಐದು ಬಾರಿ ಸಂಸತ್‌ಗೆ ಆಯ್ಕೆಯಾಗಿರುವ “ರಾಷ್ಟ್ರೀಯ” ನಾಯಕ ಅನಂತ್ ಕುಮಾರ್ ಅವರು 56 ಸಾವಿರ ಮತಗಳಿಂದ ಸೋಲಲಿದ್ದಾರೆ!

ಹಾಗಿರುವಾಗ….

ಕೇಂದ್ರದಲ್ಲಿ ಗದ್ದುಗೆ ಹಿಡಿಯಲು ಹೊರಟಿರುವ, 180ರಿಂದ 200 ಸೀಟುಗಳನ್ನಾದರೂ ಗೆಲ್ಲಬೇಕಿರುವ ಬಿಜೆಪಿ ಕರ್ನಾಟಕದಲ್ಲಿ ಕಳೆದುಕೊಳ್ಳಲಿರುವ 19 ಸೀಟುಗಳನ್ನು ಎಲ್ಲಿಂದ ತಾನೇ ತುಂಬಿಕೊಳ್ಳಲು ಸಾಧ್ಯ? ಅಥವಾ ಇಲ್ಲಿನ ನಷ್ಟವನ್ನು ಸಾಧ್ಯವಾದಷ್ಟು ಮಟ್ಟಿಗೆ ಕಡಿಮೆ ಮಾಡಿಕೊಳ್ಳಲು ಕೇಂದ್ರ ಬಿಜೆಪಿ ಮಾಡುತ್ತಿರುವುದಾದರೂ ಏನು? ಜನ ಲೋಕಸಭೆ ಹಾಗೂ ವಿಧಾನಸಭೆ ಚುನಾವಣೆಗೆ ಬೇರೆ ಬೇರೆಯಾಗಿ ಮತ ನೀಡುತ್ತಾರೆ ಎಂಬುದು ನಿಜವಾದರೂ ಜನರನ್ನು ಮತಗಟ್ಟೆಗೆ ಕರೆತರಲು ನರೇಂದ್ರ ಮೋದಿಯೆಂಬ ಆಕರ್ಷಕ ಶಕ್ತಿಯೊಂದೇ ಸಾಲದು, ಕಾರ್ಯಕರ್ತರನ್ನು ಸಂಘಟಿಸುವ ಹಾಗೂ ಹುರಿದುಂಬಿಸುವ ಗಟ್ಟಿ ರಾಜ್ಯ ನಾಯಕತ್ವವೂ ಬೇಕು. ಆದರೆ ಅಂತಹ ನಾಯಕತ್ವ ಕರ್ನಾಟಕ ಬಿಜೆಪಿಯಲ್ಲಿ ಎಲ್ಲಿದೆ ಹೇಳಿ? ಮೊನ್ನೆ ಸೆಪ್ಟೆಂಬರ್ 13ರ ಸಾಯಂಕಾಲದವರೆಗೂ ಮೋದಿ ವಿರೋಧಿಯಾಗಿದ್ದವರು, ಮೋದಿಯೇ ಪ್ರಧಾನಿ ಅಭ್ಯರ್ಥಿ ಎಂದು ಘೋಷಣೆಯಾದ ಕೂಡಲೇ ರಾತ್ರೋರಾತ್ರಿ ತಯಾರಿ ನಡೆಸಿ ಮರುದಿನ ಬೆಂಗಳೂರು ದಕ್ಷಿಣ ಕ್ಷೇತ್ರದ ಪ್ರತಿ ಸರ್ಕಲ್‌ಗಳಲ್ಲೂ ಮೋದಿಯವರ ಜತೆಗಿನ ಭಾವಚಿತ್ರದ ಪೋಸ್ಟರ್ ಮಾಡಿಸಿ ಅಂಟಿಸಿಕೊಳ್ಳಬೇಕಾದ ದುಸ್ಥಿತಿ ಒದಗಿ ಬಂದಿದೆಯೆಂದರೆ ಈ ಅನಂತ ಕುಮಾರ್ ಮಹಾಶಯರ ತಾಕತ್ತು ಎಷ್ಟರ ಮಟ್ಟಿನದ್ದು ಹಾಗೂ ಎಂತಹ ದಿಗಿಲಿಗೊಳಗಾಗಿದ್ದಾರೆ ಎಂಬುದನ್ನು ಊಹಿಸಿ? ಇನ್ನು ಮುಖ್ಯಮಂತ್ರಿಯಾಗಿದ್ದಾಗ, ಯಡಿಯೂರಪ್ಪನವರು 17 ಉಪ ಚುನಾವಣೆಗಳಲ್ಲಿ ಪಕ್ಷಕ್ಕೆ ಗೆಲುವು ತಂದುಕೊಟ್ಟರೆ, ಮಾಜಿ ಮುಖ್ಯಮಂತ್ರಿಗಳಲ್ಲಿ ಒಬ್ಬರಾದ ಜಗದೀಶ ಶೆಟ್ಟರ್‌ಗೆ ಮೊನ್ನೆ ಮೊನ್ನೆ ನಡೆದ ಎಂಎಲ್‌ಸಿ ಚುನಾವಣೆಯಲ್ಲಿ ಸ್ವಂತ ತಮ್ಮನನ್ನೂ ಗೆಲ್ಲಿಸಲಾಗಲಿಲ್ಲ. ಮತ್ತೊಬ್ಬ ಮಾಜಿ ಮುಖ್ಯಮಂತ್ರಿ ಸದಾನಂದಗೌಡರಿಗಂತೂ ಮುಖ್ಯಮಂತ್ರಿಯಾಗಿದ್ದಾಗಲೇ ತಾವೇ ತೆರವು ಮಾಡಿದ್ದ ಉಡುಪಿ-ಚಿಕ್ಕಮಗಳೂರು ಸಂಸತ್ ಕ್ಷೇತ್ರವನ್ನೂ ಉಳಿಸಿ ಕೊಡಲಾಗಲಿಲ್ಲ. ಇನ್ನು ಅನಂತ್ ಕುಮಾರ್ ಕೃಪಾಪೋಷಿತ ನಾಟಕ ಮಂಡಳಿಯ ಪ್ರಮುಖ ಪಾತ್ರಧಾರಿಗಳು ಹಾಗೂ ಮಾಜಿ ಉಪಮುಖ್ಯಮಂತ್ರಿಗಳಾದ ಕೆ.ಎಸ್. ಈಶ್ವರಪ್ಪನವರು ಹುಂಬತನಕ್ಕೆ ಪರ್ಯಾಯ ಪದವೆಂಬಂತಿದ್ದರೆ, ಅಶೋಕ ಒಂಥರಾ ಕಾಪೌಂಡ್ ಮೇಲೆ ಕುಳಿತ ಕಳ್ಳ ಬೆಕ್ಕಿನಂತೆ. ಯಾವ ಕಡೆ ನೆಗೆಯುತ್ತಾರೆ ಅನ್ನೋದೆ ಗೊತ್ತಾಗುವುದಿಲ್ಲ. ಇಂಥ ನಾಯಕರನ್ನು ಮುಂದಿಟ್ಟುಕೊಂಡು ಚುನಾವಣೆಗೆ ಹೋದರೆ ಗತಿಯೇನಾದೀತು? ವಿಧಾನಸಭೆ ಚುನಾವಣೆಯಲ್ಲಾದ ಗತಿಯೇ ಎದುರಾಗುವುದು ನಿಶ್ಚಿತವಲ್ಲವೆ?

ಇತ್ತೀಚೆಗೆ ಟಿವಿ ಚಾನೆಲ್‌ವೊಂದಕ್ಕೆ ನೀಡಿದ ಸಂದರ್ಶನದಲ್ಲಿ ‘ಬಿಜೆಪಿಯ ನಾಯಕರಿರುವುದು ರಾಜ್ಯಗಳಲ್ಲಿ’ ಎಂದಿದ್ದಾರೆ ಅರುಣ್ ಶೌರಿ!

ಅದು ಬಿಜೆಪಿ ಪ್ರಧಾನಿ ಅಭ್ಯರ್ಥಿ ನರೇಂದ್ರ ಮೋದಿಯವರಿಗೂ ಗೊತ್ತಾಗಿದೆ. ಅರುಣ್ ಜೇಟ್ಲಿ ಬಿಟ್ಟರೆ ಬೇರಾವ ದಿಲ್ಲಿ ನಾಯಕರನ್ನೂ ನೆಚ್ಚಿ ಕುಳಿತುಕೊಳ್ಳುವ ಸ್ಥಿತಿಯಲ್ಲಿ ಅವರಿಲ್ಲ. ಹಾಗಾಗಿ ಮೊನ್ನೆ ಬುಧವಾರ ಮಧ್ಯಪ್ರದೇಶದಲ್ಲಿ ನಡೆದ ಬಿಜೆಪಿಯ ಬೃಹತ್ ಸಭೆಯಲ್ಲಿ ಮೋದಿಯವರು ಮಧ್ಯಪ್ರದೇಶದ ಮುಖ್ಯಮಂತ್ರಿ ಶಿವರಾಜ್ ಸಿಂಗ್ ಚೌಹಾಣ್, ಛತ್ತೀಸಗಡದ ಮುಖ್ಯಮಂತ್ರಿ ರಮಣ್‌ಸಿಂಗ್ ಹಾಗೂ ರಾಜಸ್ಥಾನದಲ್ಲಿ ಗದ್ದುಗೆ ಏರುವ ಎಲ್ಲ ಸೂಚನೆ ಕೊಡುತ್ತಿರುವ ವಸುಂಧರಾ ರಾಜೆ ಸಿಂಧಿಯಾ ಅವರನ್ನು ಮುಕ್ತ ಕಂಠದಿಂದ ಶ್ಲಾಘಿಸಿದ್ದಾರೆ. ನರೇಂದ್ರ ಮೋದಿಯವರು ಪ್ರಧಾನಿಯಾಗಬೇಕೆಂದರೆ ವಿವಿಧ ರಾಜ್ಯಗಳ ನಾಯಕರ ಪ್ರಯತ್ನ ಬಹುಮುಖ್ಯ.

ಅಂತಹ ರಾಜ್ಯ ನಾಯಕ ಕರ್ನಾಟಕದಲ್ಲಿ ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪನವರನ್ನು ಬಿಟ್ಟರೆ ಯಾರಿದ್ದಾರೆ ನೀವೇ ಹೇಳಿ?

ಈ ಸತ್ಯ ರಾಜ್ಯ ಬಿಜೆಪಿಯ ಯುವ ನಾಯಕರಿಗೆ, ಕಾರ್ಯಕರ್ತರಿಗೆ ಅರ್ಥವಾಗಿಲ್ಲವೆಂದೇನೂ ಇಲ್ಲ! ಗೋವಾ ಕಾರ್ಯಕಾರಣಿಗೆ ಸ್ವಲ್ಪ ಮೊದಲು ನಡೆದ ಪಕ್ಷದ ರಾಜ್ಯ ಘಟಕದ ಸಭೆಯಲ್ಲಿ ಮಾಜಿ ಸಚಿವರಾದ ಸಿಟಿ ರವಿ, ಬೊಮ್ಮಾಯಿ, ಅರವಿಂದ ಲಿಂಬಾವಳಿ ಈ ವಿಷಯವನ್ನೆತ್ತಿದ್ದರು. ಯಡಿಯೂರಪ್ಪನವರನ್ನು ವಾಪಸ್ ಕರೆತರಬೇಕೆಂಬುದನ್ನು ಎಷ್ಟು ಜನ ಒಪ್ಪುತ್ತಾರೆ ಎಂಬುದನ್ನು ಬೇಕಾದರೆ ಪರೀಕ್ಷಿಸಿ ಎಂದು ಒತ್ತಾಯಿಸಿದಾಗ, 99 ಪರ್ಸೆಂಟ್ ಪರವಾಗಿ ಕೈ ಎತ್ತಿದ್ದರು. ಈ ಘಟನೆಯ ನಂತರ ಯುವ ನಾಯಕರ ಒಂದು ತಂಡ ಗೋವಾ ಕಾರ್ಯಕಾರಣಿಗೆ ಹೋಗಿ ಪಕ್ಷ ಹಾಗೂ ಕಾರ್ಯಕರ್ತರ ಈ ಅಭಿಪ್ರಾಯವನ್ನು ಕೇಂದ್ರ ನಾಯಕರಿಗೆ ಮನವರಿಕೆ ಮಾಡಿಕೊಟ್ಟೂ ಬಂದಿದ್ದರು. ಆದರೆ ನರೇಂದ್ರ ಮೋದಿಯವರ ವಿಚಾರದಲ್ಲಿಯೇ ಕೇಂದ್ರದಲ್ಲಿ ಸಾಕಷ್ಟು ಗೊಂದಲ, ಸಂಘರ್ಷ ಸೃಷ್ಟಿಯಾಗಿದ್ದರಿಂದ ಯಡಿಯೂರಪ್ಪನವರನ್ನು ವಾಪಸ್ ಕರೆತರುವ ಪ್ರಕ್ರಿಯೆ ಅಲ್ಲಿಗೇ ನಿಂತುಹೋಯಿತು. ಈಗ ಮೋದಿಯವರ ಹಾದಿಗೆ ಇದ್ದ ಅಡಚಣೆಗಳು ದೂರವಾಗಿದ್ದು, ಇನ್ನಾದರೂ ಕರ್ನಾಟಕದಲ್ಲಿ ಅನುಭವಿಸಲಿರುವ ನಷ್ಟವನ್ನು ಕಡಿಮೆ ಮಾಡಿಕೊಳ್ಳುವತ್ತ ಸ್ವತಃ ಮೋದಿಯವರೇ ಗಮನಹರಿಸಬೇಕು. ಉತ್ತರ ಪ್ರದೇಶಕ್ಕೆ ಪಟ್ಟು ಹಿಡಿದು ಅಮಿತ್ ಷಾ ಅವರನ್ನು ಕಳುಹಿಸಿದಂತೆ ಯಡಿಯೂರಪ್ಪನವರನ್ನು ವಾಪಸ್ ಕರೆತರುವುದಕ್ಕೂ ಮೋದಿಯವರೇ ಮುಂದಾಳತ್ವ ವಹಿಸಬೇಕು.

ಇಷ್ಟಕ್ಕೂ ಯಡಿಯೂರಪ್ಪನರೇನಾದರೂ ಕಾಂಗ್ರೆಸ್ ಜತೆ ಕೈಜೋಡಿಸಿದರೆ ಏನಾದೀತು ಯೋಚಿಸಿ?

ಕಳೆದ ವಿಧಾನಸಭೆ ಚುನಾವಣೆಯ ಮತಗಳನ್ನು ಗಣನೆಗೆ ತೆಗೆದುಕೊಂಡರೆ ಕಾಂಗ್ರೆಸ್ ಏಕಾಂಗಿಯಾಗಿ 24 ಸೀಟುಗಳನ್ನು, ಬಿಜೆಪಿ-ಜೆಡಿಎಸ್ ತಲಾ 2 ಸೀಟುಗಳನ್ನು ಗಳಿಸಲಿವೆ! ಕಾಂಗ್ರೆಸ್‌ನ 24 ಸೀಟುಗಳಲ್ಲಿ ಕೆಜೆಪಿಯ 10 ಪರ್ಸೆಟ್ ವೋಟುಗಳ ಗಣನೀಯ ಕೊಡುಗೆ ಇದೆ. ಇಂಥ ಅಪಾಯ, ನಷ್ಟವನ್ನು ಲೋಕಸಭೆ ಚುನಾವಣೆಯಲ್ಲಿ ತಡೆಯಬೇಕೆಂದರೆ ಯಡಿಯೂರಪ್ಪನವರನ್ನು ವಾಪಸ್ ಕರೆತರಲೇಬೇಕಾಗುತ್ತದೆ. ಒಂದು ವೇಳೆ, ಕೆಜೆಪಿ ಬಿಜೆಪಿಯೊಳಗೆ ವಿಲೀನಗೊಂಡರೆ ಬಿಜೆಪಿ ಸೀಟುಗಳ ಸಂಖ್ಯೆ ಏಕಾಏಕಿ 7ಕ್ಕೇರುತ್ತದೆ. ಬಿಎಸ್‌ಆರ್ ಕಾಂಗ್ರೆಸ್ ಪಕ್ಷವನ್ನೂ ಸೇರಿಸಿಕೊಂಡರೆ 10 ಆಗುತ್ತದೆ. ಇನ್ನೂ ಕನಿಷ್ಠ ನಾಲ್ಕೈದು ಸೀಟುಗಳು Within striking rangeಗೆ, ಅಂದರೆ ಗೆದ್ದುಕೊಳ್ಳಬಹುದಾದ ವ್ಯಾಪ್ತಿಗೆ ಬರುತ್ತವೆ! ಇವುಗಳ ಜತೆಗೆ ಮೋದಿ ಅಲೆಯೂ ಕೂಡಿದರೆ 15 ಸೀಟುಗಳನ್ನು ಗೆಲ್ಲುವುದು ಖಚಿತ ಎಂದೇ ಇಟ್ಟುಕೊಳ್ಳಬಹುದು. ಇಷ್ಟಕ್ಕೂ ವಿಧಾನಸಭೆ ಚುನಾವಣೆಯಲ್ಲಿ ಬಿಜೆಪಿ-ಕೆಜೆಪಿ ಸೇರಿದ್ದರೆ 93 ಕ್ಷೇತ್ರಗಳಲ್ಲಿ ಗೆಲುವು ಸಾಧಿಸಬಹುದಿತ್ತು ಎಂಬುದನ್ನು ಮರೆಯಬೇಡಿ.

ಹೀಗಿದ್ದರೂ ಬಿಜೆಪಿ ರಾಜ್ಯ ಘಟಕ ಹಾಗೂ ಕೇಂದ್ರ ನಾಯಕರು ಏಕೆ ಇನ್ನೂ ಮೀನಮೇಷ ಎಣಿಸುತ್ತಿದ್ದಾರೆ?

ಖಂಡಿತ ಯಡಿಯೂರಪ್ಪನವರ ಕಾಲದಲ್ಲಿ ನಡೆದ ಭ್ರಷ್ಟಾಚಾರವನ್ನು ಯಾರೂ ಸಮರ್ಥಿಸಲು ಸಾಧ್ಯವಿಲ್ಲ. ಹಾಗಂತ ಹದಿನೆಂಟು ಕೋಟಿ ಸಾರ್ವಜನಿಕ ಹಣವನ್ನು ಪೋಲು ಮಾಡಿ ಲೋಕಾಯುಕ್ತದಿಂದ ದೋಷಾರೋಪಣೆಗೊಳಗಾದ ದಿಲ್ಲಿ ಮುಖ್ಯಮಂತ್ರಿ ಶೀಲಾ ದೀಕ್ಷಿತ್ ಇನ್ನೂ ಗದ್ದುಗೆ ಮೇಲೆಯೇ ಇದ್ದಾರೆ! ಆಕೆಯನ್ನು ರಕ್ಷಿಸಲು ರಾಷ್ಟ್ರಪತಿಯವರ ಮೇಲೂ ಪ್ರಭಾವ ಬೀರುವಂಥ ಲಜ್ಜೆಗೇಡಿ ಕೆಲಸವನ್ನೂ ಕಾಂಗ್ರೆಸ್  ಮಾಡಿದೆ. ಜತೆಗೆ ಒಟ್ಟು 5.47 ಕೋಟಿಯಷ್ಟು ಬೃಹತ್ ಮೊತ್ತದ ಹಗರಣಗಳನ್ನು ಸೃಷ್ಟಿಸಿದ್ದರೂ ದೇಶಕ್ಕೆ ಪ್ರಾಮಾಣಿಕತೆಯ ಪಾಠ ಹೇಳಿ ಕೊಡುತ್ತಿದೆ. ಅದರ ಬಗ್ಗೆ ಯಾವ ಮಾಧ್ಯಮಗಳೂ ಚಕಾರವೆತ್ತುತ್ತಿಲ್ಲ. ಇದೇನೇ ಇರಲಿ, ಗಣಿ ಹಗರಣ ಬೆಳಕಿಗೆ ಬಂದಾಗ ಭ್ರಷ್ಟಾಚಾರದ ವಿರುದ್ಧ ದೇಶವ್ಯಾಪಿ ಜನಾಂದೋಲನ ಸೃಷ್ಟಿಯಾಗಿದ್ದಿದ್ದು ಯಡಿಯೂರಪ್ಪನವರಿಗೆ ಶಾಪವಾಯಿತು ಎಂಬುದು ಅಷ್ಟೇ ನಿಜ. ಆದರೆ ಯಡಿಯೂರಪ್ಪನವರು ಪಕ್ಷ ತೊರೆದ ನಂತರ ಬಿಜೆಪಿಯನ್ನು ಮುನ್ನಡೆಸುವಂಥ ನಾಯಕರೇ ಇಲ್ಲದಾದರು. ಹಾಲಿ ಪರಿಸ್ಥಿತಿಯನ್ನು ನೋಡಿ, ಕಾಂಗ್ರೆಸ್ ಅಧಿಕಾರಕ್ಕೆ ಬಂದು 4 ತಿಂಗಳಾಗುತ್ತ ಬಂದಿದ್ದರೂ ರಾಜ್ಯ ಬಿಜೆಪಿ ನಾಯಕರ ಸಣ್ಣ ಧ್ವನಿಯೂ ಜನರಿಗೆ ಕೇಳಿಲ್ಲ. ಅನಿಲ್ ಲಾಡ್-ಸಂತೋಷ್ ಲಾಡ್ ವಿಚಾರವೆನ್ನೆತ್ತಿಕೊಂಡು ಕಾಂಗ್ರೆಸ್ ಮುಖಕ್ಕೆ ಮಣ್ಣಂಟಿಸುವ ಸದವಕಾಶವನ್ನೂ ಬಿಜೆಪಿಯಿಂದ ಉಪಯೋಗಿಸಿಕೊಳ್ಳಲಾಗುತ್ತಿಲ್ಲ. ಇಂಥ ಪರಿಸ್ಥಿತಿಯಲ್ಲಿ ಉಳಿದ 17 ಸೀಟುಗಳನ್ನು ಎಲ್ಲಿಂದ ತರಬೇಕು ಹೇಳಿ?

ಇಂದಿರಾ ಗಾಂಧಿ ಸರ್ವಾಧಿಕಾರಿಯಾಗಿದ್ದರು, ಆದರೆ ದೇಶದ್ರೋಹಿಯಾಗಿರಲಿಲ್ಲ. ಆದರೆ ಈಗಿನ ಕಾಂಗ್ರೆಸ್ ಸಂಪತ್ತನ್ನು ಕೊಳ್ಳೆ ಹೊಡೆಯುವಂಥ ದೇಶದ್ರೋಹದ ಕೆಲಸ ಮಾಡುತ್ತಿದೆ. ಇಂಥ ಸಂದರ್ಭಗಳಲ್ಲಿ ಕಾಂಗ್ರೆಸ್ ಅನ್ನು ಹಣಿಯಬೇಕಾದರೆ ಪ್ರತಿ ರಾಜ್ಯಗಳಲ್ಲೂ ಬಿಜೆಪಿಯನ್ನು ಬಲಗೊಳಿಸಬೇಕಾದುದು ಅನಿವಾರ್ಯ ಹಾಗೂ ಅದಕ್ಕೆ ಯಡಿಯೂರಪ್ಪನವರಂಥ ಗಟ್ಟಿ ನಾಯಕತ್ವವೂ ಅನಿವಾರ್ಯವೇ. ಇಂದಿಗೂ ರಾಜ್ಯದುದ್ದಗಲಕ್ಕೂ ಪ್ರವಾಸ ಮಾಡುವಂಥ, ಕಾರ್ಯಕರ್ತರನ್ನು ಸೇರಿಸುವ, ಬಡಿದೆಬ್ಬಿಸುವಂಥ ದೈತ್ಯ ಶಕ್ತಿ ಯಾರಲ್ಲಾದರೂ ಇದ್ದರೆ ಅದು ಯಡಿಯೂರಪ್ಪನವರಿಗೆ ಮಾತ್ರ. ಜತೆಗೆ ಆಳುವ ಪಕ್ಷಕ್ಕೂ ಬಿಸಿ ಮುಟ್ಟಿಸುವಂಥ ಖಡಕ್ ಮಾತುಗಾರಿಕೆ ಅವರಲ್ಲಿದೆ. ಇತ್ತ ಮುಖ್ಯಮಂತ್ರಿ ಸಿದ್ಧರಾಮಯ್ಯನವರ ‘ಅಹಿಂದ’ ರಾಜ(ಜಾತಿ)ಕಾರಣದ ಬಗ್ಗೆ ಕಾಂಗ್ರೆಸ್‌ನ ಹಳೇ ಹುಲಿಗಳು ಒಳಗೊಳಗೇ ಗ್ಯಾಂಗ್ ಅಪ್ ಆಗುತ್ತಿದ್ದಾರೆ. ಮುಂದಿನ ಲೋಕಸಭೆ ಚುನಾವಣೆಯಲ್ಲಿ ಕಾಂಗ್ರೆಸ್‌ಗೆ ಅತ್ಯಧಿಕ ಸ್ಥಾನಗಳು ಬಂದರೆ ಸಿದ್ಧರಾಮಯ್ಯನವರನ್ನು ಅಲ್ಲಾಡಿಸುವುದಕ್ಕಾಗುವುದಿಲ್ಲ ಎಂದು ಅವರಿಗೂ ಗೊತ್ತು. ಹಾಗೆಯೇ ಕಾಂಗ್ರೆಸ್ ಅಧ್ಯಕ್ಷರಾದ ಡಾ. ಪರಮೇಶ್ವರರ ಮುಖ್ಯಮಂತ್ರಿ ಕನಸು ಈಡೇರಬೇಕಾದರೆ ಕಾಂಗ್ರೆಸ್‌ಗೆ ಹೆಚ್ಚು ಸ್ಥಾನ ಬರಬಾರದು. ಹೈಕಮಾಂಡ್‌ಗೆ ಹೆದರಿ ಸುಮ್ಮನಿದ್ದರೂ ಹೊರಗಿನಿಂದ ಬಂದು ಮುಖ್ಯಮಂತ್ರಿಯಾಗಿರುವ ಸಿದ್ದರಾಮಯ್ಯನವರ ಬಗ್ಗೆ ಮೂಲ ಕಾಂಗ್ರೆಸ್ಸಿಗರಲ್ಲಿ ಅಸಮಾಧಾನವಿದೆ. ಹಾಗಾಗಿ ಲೋಕಸಭೆ ಚುನಾವಣೆ ವೇಳೆ ಕಾಂಗ್ರೆಸ್‌ನಲ್ಲಿ Internal Sabotage ನಡೆಯುವುದನ್ನು ಅಲ್ಲಗಳೆಯಲು ಸಾಧ್ಯವಿಲ್ಲ. ಇನ್ನೊಂದೆಡೆ ಅಪ್ಪ, ಮಕ್ಕಳು, ಸೊಸೆಯರು, ಮೊಮ್ಮಕ್ಕಳ ಪಕ್ಷವಾದ ಜೆಡಿಎಸ್ Discredit ಆಗಿರುವುದು, ಸಾಂಪ್ರದಾಯಿಕ ಮತದಾರರಾದ ಬಯಲುಸೀಮೆ ಒಕ್ಕಲಿಗರ ವಿಶ್ವಾಸವನ್ನೇ ಕಳೆದುಕೊಂಡಿರುವುದು ಮೊನ್ನೆ ನಡೆದ ಲೋಕಸಭೆ ಉಪಚುನಾವಣೆಯಲ್ಲಿ ಬಹಿರಂಗಗೊಂಡಿದೆ. ಸೊಸೆ ತಂದ ಸಾಲು ಸಾಲು ಸೋಲು ದೇವೇಗೌಡರನ್ನೂ ಕಕ್ಕಾಬಿಕ್ಕಿಯಾಗಿಸಿದೆ. ಇಂಥ ದೌರ್ಬಲ್ಯಗಳನ್ನು ಬಿಜೆಪಿ ತನ್ನ ಲಾಭಕ್ಕೆ ಬಳಸಿಕೊಳ್ಳಬಹುದು.

ಈ ಹಿನ್ನೆಲೆಯಲ್ಲಿ ಯಡಿಯೂರಪ್ಪನವರನ್ನು ವಾಪಸ್ ಕರೆ ತರುವ ಪ್ರಯತ್ನವನ್ನು ಆದಷ್ಟು ಬೇಗ ಮಾಡಬೇಕು. ಜತೆಗೆ ಲಿಂಗಾಯತ ಸಮುದಾಯಕ್ಕೆ ಮೋಸಕ್ಕೊಳಗಾದ ಭಾವನೆಯಿದೆ, ಅದನ್ನು ಸರಿಪಡಿಸಬೇಕೆಂದರೆ ಯಡಿಯೂರಪ್ಪನವರನ್ನು ವಾಪಸ್ ಕರೆ ತರುವುದು ಮಾತ್ರವಲ್ಲ, ಅವರಿಗೆ ಸೂಕ್ತ ಸ್ಥಾನಮಾನವನ್ನೂ ನೀಡಬೇಕು. ಪಕ್ಷಕ್ಕೆ ಕರೆತಂದು ಸೂಕ್ತ ಗೌರವ ಕೊಡದಿದ್ದರೆ ಅವರು ಪಕ್ಷವನ್ನು ಬಲಗೊಳಿಸುವುದಕ್ಕಾದರೂ ಹೇಗೆ ಸಾಧ್ಯ? ಇತ್ತ ಪ್ರಹ್ಲಾದ ಜೋಶಿಯವರೂ ಮುಂದಿನ ಲೋಕಸಭೆ ಚುನಾವಣೆಯಲ್ಲಿ ಗೆಲ್ಲಬೇಕಾದರೆ, ಪಕ್ಷದ ಅಧ್ಯಕ್ಷ ಸ್ಥಾನಕ್ಕೆ ರಾಜೀನಾಮೆ ಕೊಡುವುದರಿಂದ ತಪ್ಪಿಸಿಕೊಳ್ಳಬೇಕಾದರೆ ಬಿಎಸ್‌ವೈ ಬೇಕೇ ಬೇಕು. ಈ ಮಧ್ಯೆ ‘ಬರುವುದಾದರೆ ಯಡಿಯೂರಪ್ಪನವರು ಮಾತ್ರ ಬರಲಿ, ಅವರ ಜತೆಗೆ ಹೋದವರು ಬೇಡ’ ಎಂದು ಕಳೆದ ಚುನಾವಣೆಯಲ್ಲಿ ಠೇವಣಿ ಕಳೆದುಕೊಂಡಿರುವ ಸೊಗಡು ಶಿವಣ್ಣ ಹೇಳಿಕೆ ನೀಡಿದ್ದಾರೆ. ಅಂಥ ತಗಡು ಹೇಳಿಕೆ ನೀಡದಂತೆ ಎಚ್ಚರಿಸುವ ಕೆಲಸವನ್ನು ಜೋಶಿಯವರು ಮೊದಲು ಮಾಡಬೇಕು. ಕ್ಯಾಪ್ಟನ್ ಜತೆಗೆ ಟೀಮ್ ಬಂದರಷ್ಟೇ ಬಲ.

ಇದನ್ನು ಅರ್ಥ ಮಾಡಿಕೊಳ್ಳದಿದ್ದರೆ, ಯಡಿಯೂರಪ್ಪನವರ ವಾಪಸಾತಿಗೆ ಆದಷ್ಟು ಬೇಗ ಮುಂದಾಗದಿದ್ದರೆ….?!

63 Responses to “ಬಿಜೆಪಿ-ಬಿಎಸ್‌ವೈ=2, ಬಿಜೆಪಿ+ಬಿಎಸ್‌ವೈ=…?”

  1. santhosh says:

    Whatever you say Mr. Prathap ….. Because of yediyurappa …. Today karnataka is lost the face in the nation as well BJP. Please avoid supporting Yeddii …. Other wise people will loss faith in you.

  2. Pratap Ji,
    I would like to say Right coloum @ Right time with Right views
    But it is quite hard to bring him to BJP. Because it’s already head up snake it needs snake player ( NDM) only ,to get him back. It’s sure if conversation goes well by NDM only.

    Thank you.

  3. Avinash Bangera says:

    You are the soul of true BJPians…..Hats off to you Pratap Simha for this wonderful article…We badly Need B S Yedyurappa…He is the only able leader in BJP…If at all hez made BJP president therz no doubt that we will win atleast 18 seats …If not Advani z interference Yeddyurappa wouldnt have step down…BJP would be ruling Karnataka….85 years budda is responsible for the karnataka i live in now….ashamed ..

  4. manoj says:

    Appata satya..
    village kade hodre ,at least ondu muka nodi mathado ondu leaders illa…..

  5. xyz says:

    Excellent article 🙂

  6. Karthik says:

    ಬಿಜೆಪಿ+ಬಿಎಸ್‌ವೈ = 18 ರಿಂದ 20 ಶತ ಸಿದ್ದ

  7. Ramesh Chandra says:

    Narendra Modi has a very very tough job in Karnataka for the all the points cited in the article which has been my personal thinking also. No leader in bangalore has that charisma nor mass following. In Tumkur, bjp lost mla, and there is no candidate for MP. Even brahmins may not vote for Anantkumar this time. Some how, he sailed through last time. Oh my god, karnataka is going to contribute so much for congress this election.

  8. mahendra naik says:

    yadiyoorappa avare ella alla. adre yadiyoorappa ilde karnataka b j p yalli enu illa.

  9. prasanna hegde says:

    Modi-real hero in india .

    yedurappa-real hero in karnataka.

    yediji please come back in BJP

  10. samanth shetty mangalore says:

    welcome yaddy

  11. ಶರಣ ಶಾಂತಾರಾಧ್ಯ says:

    ಪ್ರತಾಪ್ ಸಿಂಹರವರು ಪ್ರಚಲಿತ ಕರ್ನಾಟಕ ರಾಜ್ಯ ಭಾರತಿಯ ಜನತಾ ಪಕ್ಷದ ಮುಂಬರುವ ಭವಿಷ್ಯದ ಕುರಿತಾಗಿ ಮಾಡಿದ ಸೂಕ್ಷ್ಮ ಅವಲೋಕನ ನಿಜಕ್ಕೂ ಸರ್ವರು ಒಪ್ಪಿ ಸಮ್ಮತಿಸಬಹುದಾದ ಉತ್ತಮ ಚಿಂತನೆ… ಬಿಎಸ್‌ವೈ ಇಲ್ಲದ ರಾಜ್ಯ ಭಾಜಪ ಸೂತ್ರವಿಲ್ಲದ ಗಾಳಿಪಟವೇ ಸರಿ, ಕಳೆದ ರಾಜ್ಯ ವಿಧಾನ ಸಭಾ ಚುಣಾವಣೆಯ ಗೆಲುವು ಕಾಂಗ್ರೇಸ್ ನ ಒಗ್ಗಟ್ಟಿನ ಪ್ರತಿಫಲ ಎಂದು ಬೋಬ್ಬೆ ಹೊಡೆಯುತ್ತಿರುವ ರಜ್ಯ ಕಾಂಗ್ರೇಸ್ ಅದ್ಯಕ್ಷ ಪರಮೇಶ್ವರಗೆ ಗೋತ್ತಿಲ್ಲ ಅದು ಅವರ ನಿಜವಾದ ಗೆಲುವಲ್ಲ ಅದು ಬಿಎಸ್‌ವೈ ರವರ ಭಿಕ್ಷೇ ಮತ್ತು ಅನಂತ್ ಕುಮಾರ್ ಕೃಪಾಪೋಷಿತ ನಾಟಕ ಮಂಡಳಿಯ ನೀಜ ಮೂರ್ಖತನ ಎಂದು… ಇನ್ನಾದರೂ ರಾಜ್ಯ ಭಾಜಪ ಹಾಗೂ ರಾಷ್ಟ್ರ ಭಾಜಪಕ್ಕೆ ಅರಿವಾಗಬಹುದಾದ ನಿಜ ಸತ್ಯ ಸಂಗತಿಗಳು ಸಾಕಷ್ಟು ಇವೇ ಕೇವಲ ಮೋದಿ ಮೋಡಿಯಿಂದ ನಾವು ಮುಂಬರುವ ಲೋಕಸಭಾ ಚುಣಾವಣೆಯಲ್ಲಿ ನಿರೀಕ್ಷಿತ ಫಲ ಪಡೆಯಬಹುದು ಅನ್ನೋದಾದ್ರೇ ಅದು ನಿಜಕ್ಕೂ ತಿರುಕನ ಕನಸೇ ಸರೀ… ಯಾವುದೇ ಒಂದು ಯುದ್ದ ಅಥಾವ ಸಂಘಟನೆಗೆ ಬೇಕಾದಾದ್ದು ಕೇವಲ ಸ್ಪರ್ಧಿಯಲ್ಲಾ… ಆ ಸ್ಪರ್ಧಿಗೆ ಪ್ರತಿಯಂಶದಲ್ಲೂ ನೆರವಾಗ ಬಲ್ಲ ಘನ ಸಾರಥಿ… ಕರ್ನಾಟಕದಲ್ಲಿರಬಹುದಾದ ಆ ಮಟ್ಟದ ಸಾರಥಿಯೇ ಬಿಎಸ್‌ವೈ ಅವರಲ್ಲದೇ ಬೇರಾರು ಇಲ್ಲಾ… ಇದಕ್ಕೆ ಉದಾಹರಣೆ ಕಳೆದ ರಾಜ್ಯ ವಿಧಾನ ಸಭಾ ಚುಣಾವಣೆ, ಆ ಚುಣಾವಣೆಯ ಸಾರಥ್ಯವಾಹಿಸಿದ್ದು ಇಬ್ಬರೂ ಮಾಜಿ ಮುಖ್ಯಮಂತ್ರಿಗಳು, ಇಬ್ಬರೂ ಮಾಜಿ ಉಪ ಮುಖ್ಯಮಂತ್ರಿಗಳು, ಒಬ್ಬ ಅಸಮರ್ಥ ಅದ್ಯಕ್ಷ ಹಾಗೆ ಕೆಂದ್ರ ಭಾಜಪ ಕಾರ್ಯಕಾರಿಣಿ ಅನಂತ ಕುಮಾರ್ ಇಷ್ಟೇಲ್ಲಾ ಇದ್ದರೂ ಕೂಡ ತಾವು ಹೋಗಿದ್ದು 3ನೇ ಸ್ಥಾನಕ್ಕೆ ಅಲ್ಲದೇ ಅಧಿಕಾರಕ್ಕಲ್ಲಾ…

    ಒಟ್ಟಾರೆಯಾಗಿ ಗಮನಿಸಬೇಕಾದ್ದುದು ರಾಜ್ಯ ಭಾಜಪಕ್ಕೆ ಬೇಕಾಗಿರುವುದು ಸಮರ್ಥ ಸಾರಥಿಯೇ ಹೋರತು ಯಾವುದೇ ನಾಟಕ ಮಂಡಳಿಯ ನಾಯಕರಲ್ಲಾ… ಇನ್ನಾದರೂ ತಮ್ಮ ವ್ಯೆಕ್ತಿಕ ತೆವಲುಗಳನ್ನ ಬದಿಗಿಟ್ಟು ರಾಜ್ಯ ಭಾಜಪ ನಾಯಕರು ತಮ್ಮ ಅಂತರಾತ್ಮಕ್ಕೆ ಅರಿವು ಮಾಡಿಕೊಳ್ಳಲೇ ಬೇಕಾದ ಸತ್ಯ ಬಿಎಸ್‌ವೈ ಯಂತಹ ಸಮರ್ಥ ಸಾರಥಿ ಇಲ್ಲದೇ ಮುಂಬರುವ ಲೋಕಸಭಾ ಚುಣಾವಣೆಯಲ್ಲಿ ಹೊರಟ ಮಾಡಿಲ್ಲಿಕ್ಕಾಗದು… ಕೇವಲ ಮೋದಿ ಮಂತ್ರ ಇದ್ದಾರೆ ಸಾಲದು ಅದಕ್ಕೇ ಗಟ್ಟಿಯಾದ ಬದ್ರ ಬುನಾದಿಯೂ ಬೇಕು ಆ ಬುನಾದಿ ಬಿಎಸ್‌ವೈ ಮಾತ್ರ ಅಗಲೂ ಸಧ್ಯವೇ ಹೊರತು ಬೇರಾರು ಅಲ್ಲಾ… ಬಿಎಸ್‌ವೈ ರವರ ಸಾರಥ್ಯದಲ್ಲಿ ಲೋಕಸಭಾ ಚುಣಾವಣೆ ನಡೆದ್ರೇ ಮಾತ್ರ ಅದಕ್ಕೆ ಒಂದು ಕಳೆ ಬರಲಿಕ್ಕೆ ಸಾಧ್ಯ… ಬಹುಬೇಕಾ ಸಾರಥಿ ಬಿಎಸ್‌ವೈ ಭಾಜಪ ಪಕ್ಷಕ್ಕೆ ಮರಳಲಿ ಭಾಜಪ ಗೆಲುವಿಗೆ ನೆರವಾಗಲಿ, ಇದು ಜನ ಸಾಮಾನ್ಯರಾದ ನಮ್ಮ ಆಶಯ…

  12. Sidaveerappa says:

    you are always right and very good thinker
    we follow you

  13. ಬಿಜೆಪಿ+ಬಿಎಸ್‌ವೈ= 20+ (100% sure)

  14. marulu Siddesha says:

    BJP needs Yeddurappa, if they do not bring him to the party. The BJP will get destroyed in South India without any evidence. Eshwarappa and Ananthkumar they are unfit to lead the elections.

  15. Sir
    Your review regarding 2014 loksabha election is really good.BJP leaders should scan this review and implement your suggestions which helps them to win more seats in karnataka.once again thank you for your superb review.

  16. magendran says:

    yakree.. ond erd varshadidndlu nodthideeni..yadyurappa yadyurappa antha yavaglu vadaradtheera… ee vyakthi pooje annadanna namm deshada jana yavag bidtharo..

  17. Manjunatha S M says:

    Whatever it may be we want MODI as our P M. Our only problem is our state B JP. We do not support useless, selfish leaders of B J P. I f yaddi comes it is not a draw back to B J P. He is remembered for his good works. B J P lost assembly elections not for the matter of corruption but for their quarrel among themselves for the C M SEAT. So no citizen bothers about corruption they trust for good leadership. it is with yaddiyurappa.

  18. suryakant says:

    true sir,

  19. Sarath Babu G says:

    Cent percent correct BJP wil not stand without BSY…..

  20. Raghavendra says:

    Hi Prathap ,

    I am Raghavendra , I am a software engineer .
    I Strongly agree in your thought that there is no Capable leaders in Karnataka BJP.

    There is Modi wave all over INDIA . Karnataka won 21 seats in last elections and need to retain atleast 15 to 18 seats .I wonder why Modi is not concentrating on Karnataka the only hope for BJP in south India .

    Modi should take care while giving tickets , Even youth in Karnataka are fed up of our local leaders and if they are getting a single vote in next election that is only because of Modi , so Modi should concentrate on karnataka and gaining support from other parties .

  21. Bhanuprakash B says:

    perfect sir I dont know modi sir is still waiting .
    Sir I want to know what are all the corruption is done in yaddi’s time, please if u article about that share it to me

  22. shiva veerashaiva says:

    veera shaivara support illandre siddu c m aagtha irlilla.

    next cm BSY
    next pm NAMO

  23. girish p says:

    realy hats up to prathp simha realy good artical

  24. vinay says:

    chinnadantha mathu helidira boss…ee gubnan makkal kaiyalli 2 seat nu gelsoke agolla…anathkumar ee hesru kelidre jana ooridhu bilthre…eevarigenu yogyathe eedhe swami rajyadha lokasabha election nalli BJP na lead madoke…evara kacchene kattoke sadhyavilla…>:( ee ella so called BJP leaders hanebara karnataka janathege gothu ri…
    eegaladru oolle mansinidhe NAMMA ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ navaranna deshada hithasakti goskara BJP ge olleya sthana managalondige baramadkolli antha ashisuthene…:)

  25. Prakash says:

    BJP Mukyavekthigalu idara bagge gamana kottuu desha drohigalinda, ugragamigalinda ,namma bharata deshana kapadbeku,desha rakshane madbeku…

    Jai Namo, Jai BJP, Jai Bharatambe…

  26. Manju says:

    Good Article sir

  27. SHAKTHI PRASDA says:

    IDU B J P GE TUMBA BEGANE MADABEKAADA KELASA. AADARE YAAKO YENO YELLARU NIRJEEVIGALA HAAGE NISHYABDAVAAGIDDARE .AADARE NEEVU MAATRA NIMMA KAYA VAACHA MANASA PRAYTNA NIMMA REETHIYALLI MADIIDDIRA .TUMBA DHANYAVADAGALU

  28. Subhash NB says:

    100% correct analysis. Forget about winning it will be very difficult for BJP to find right candidates for at least 7-8 districts.

  29. santhosh says:

    Dear Pratap Sir,

    I complete agree with your real and Actual thoughts. I want to say one more thing.. As you are recently observing now CBI and Supreme Court is working (Out of Control of Central Govt) very independently. Many of recent incident are example of this and when come to mining its not Yediyurappaji.. but the people who involved in illegal mining 99% are from Congress and Reddy brothers. There is no comment from Santhosh hedge.. who misguided the public of Karnataka during BSY period. If CBI take proper action most of congress man of Karnataka will behind bars. We Karnataka peoples want more focus on agriculture and other industries (rather than depend only on soft ware indust),
    I wish that if BJP has to accept BSY and Followers other wise its better BSY sir should try to stay at KJP and collaborate with NDA.(Only for Loksabha).
    I expect and request Lingayath people to support NDA – PM Candidate Narendra Modi future dynamic leader and for better INDIA.

  30. Guru says:

    Good analysis !! should be implemented

  31. sunil shettiger says:

    100%

  32. jinachandra jain says:

    i like pratapsimha

  33. jinachandra jain says:

    no 1 patrakarta

  34. Gopalakrishna says:

    Nimma vicharagalige nanna sampoorna sahamatha ide.Bahushaha Yediyoorappanavara TEJOVADHEGE nimma guru Vishveshwara bhattara koduge bahalashtu ide.Avareniddaru Ananathakumar, Devegowdara hagalikege meesalagi bittiddare. Sakalika baraha. Dhanyavadagalu.

  35. janardhan says:

    Idhu 100 kke 100 sathya prathap avre. nammanthaha saamanyarige artha agiro ee vishaya BJP nayakarugalige artha agtilla. eegaladru echetthukondare olleyadhu.

  36. Murali says:

    Hello Pratap…..

    Be unbiased… You can’t fool people always. Now people know whats your power and how much you earn for each article….. Your popularity gone because you are yellow journalist.

  37. Kashinath says:

    Prathap sir edu swalpa odida nanthra tham abhipraya heli pleas@ I have solution for this just impliment it !! we should give reservation to all means, Govt should adopt a policy that every family of this country only one member will get Govt Job. So now no issue with cast and religion !! every Indian let he be a Hindu, sikh, jain, Muslim, Boddh or any body one job is reserved for him. Now come to next question who will get the job if in a family there are three or more candidate ? in this case parents will decide and they will give an affidivetit that this is my SON should be considered for Got job. Now other member will tell their parents “‘ JAB Hame recoomond nahi kar sakate the to Paida hi kyun kiya ? ” and then Society will understand if they produce more children then they will remian answaerable for them , becuase tommorrow when they will ask same question then how they will answer ?? Thus public can control the popullation also and can kill two birds by one stone ! Govt job and population Control !! — Please think over this option. We have 80 % family of SC/ST in Hindu, but reservation is 51 % , Now when every family will get resrvation , we have 80 % reservation for Sc/ST family and other community as well !!! Please THINK !! I feel a very Good option !!!

  38. Kashinath says:

    Yediyurappa en idru Yadiyurappane awar hantha ‘Mass’ leader iwaganthu yaaru illa e karnataka dali, i selut to yadiyurappa.

  39. M IMTIYAZ says:

    It is better to quit journalism & keep advising b j p what to do & what not. you have very good future in b j p. good luck!

  40. Lohith Kumar says:

    True, but it not possible in Karnataka BJP until unless the great opportunist and power hunger, Mr.Shakuni(Anata Kumar) is in BJP.

  41. nandeesh says:

    ಹಾಯ್ ಇಂತಹ ಅಂಕಣವನ್ನು ಯಾವತ್ತೂ ಬರೆಯಲು ಹೊಗ್ಬೇಡಿ ಸರ್, ನೀವು 28.09.2013 ನೇ ತಾರೀಖು ಯಾವ ವ್ಯಕ್ತಿಯ ಜನ್ಮ ದಿನ ಅಂತ ನಿಮಗೆ ಗೋತ್ತಿಲ್ಲವೇ?!.. ನಿಜ ಹೇಳಿ ನೀವೂ ದೇಶಭಕ್ತರೋ? ಅಥವಾ ವ್ಯಕ್ತಿ ಪೂಜೆ ಮಾಡುವ ನರಭಕ್ತೆರೋ? ಅಂತಹ ದೇಶಭಕ್ತರನ್ನು ಕುರಿತು ಬರೆಯುತ್ತೀರಿ ಅಂತ ಅಂದುಕೊಂಡಿದ್ದೇ ಆದರೆ ನೀವೂ ಬರೆದಿರೋದು ಒಬ್ಬ ರಾಜಕಾರಣೀಯನ್ನು ಕುರಿತು ಇದು ನಿಜಕ್ಕೂ ಖಂಡನೀಯಾ ಸರ್….

  42. Ravi Krishna says:

    Pratap,

    Only three Questions to you ..
    1. Are you true journalist or BJP Broker
    2. Can you explain the difference b/t U and U.R.A ?
    You Bark for BSY+BJP+Modi and U.R.A’s for C(i)
    3. Is there any hidden secrets b/t U and BSY during BSY Govt

    Because RTI will tell the truth soon

  43. prashanth says:

    really its true sir……..

  44. pradeep kumar says:

    I dont know y bjp high command every time supports ananth may be brahmin factor working upon

  45. chandan says:

    well i have been reading your columns when i was a kid i used to like them. Now i dont now may be because i have grown up. I do agree very few politicians are left in karnataka worth of trust. BUT i am sure that Mr. YEDDI COMES AS NO 1 in worst category. but wht happened to you?? i hope you the reason behind your writings. stop writing this sort stupid things. else you ll loose your regular readers for sure………….

  46. NAGARAJ SINDAGERI says:

    NDM only sholud take step to bring yeddiji back to HOme…

  47. Basavaraj says:

    sir, u r awesome it’s really true about BJP and Yeddyurappa , we gave vote to BJP bcz of this Man not bcz of this bloody AnanthKumar

  48. murali says:

    bjp-bsy=2 bjp plus bsy= -2 dear simha your advocacy for bsy is totally wrong he has ruined the bjp once after having enjoyed the fruits of power to claim that he built the bjp is pure hogawsh it is the great stalwarts like shyam prasad babu to advani by their relentless sacrifice and humble party workers and voters like me ,by the way iam 73 yrs old that BJP has grown to this level for heavens sake BSY MUst be sent to the dustbins of history

  49. Veeruuu says:

    Dear Pratap,

    You are absolutely right!

    The self certified leaders like Sadananda Gowda, Eshwarappa, ananth Kumar, Jagadeesh Shettar or Ashok are nor the crowd pullers neither mass leaders. They should understand their capabilities & should try to bring Mr.Yedduyurappa back to the party, most importantly these so called leaders should allow him to work towards building the party.

    If not so, as some one explained above, the BJP should forget ruling in south India which is happened now, even in the Lok sabha Elections.

    I personally feel, Mr.Yeddy has explained his feelings of returning BJP almost directly after Mr.Modi announced as prime Ministerial candidate, now it is BJP’s turn to take it further.

    Hope So called Mr.Ananth Kumar realize his negative strenghts & give away to some one has really do something to fill the nation’s desire to See Mr.Modi to host the flag on red fort.

    Thanks for the article Pratap,

    Hope these will be read by so called leaders of BJP –