Member of Parliment,
Mysuru - Kodagu Loksabha Constituency
ಸಂಸದರು,
ಮೈಸೂರು - ಕೊಡಗು ಲೋಕಸಭಾ ಕ್ಷೇತ್ರ
Email : mpmysoresimha@gmail.com
Pratap Simha > Bettale Jagattu > ಹರೆಯದವರ ಮೇಲೆ ಹಲ್ಲೆಯಾದಾಗ ಮಾತ್ರ ನಮ್ಮ ಆತ್ಮಸಾಕ್ಷಿ ಕೆರಳುವುದೇಕೆ?

ಹರೆಯದವರ ಮೇಲೆ ಹಲ್ಲೆಯಾದಾಗ ಮಾತ್ರ ನಮ್ಮ ಆತ್ಮಸಾಕ್ಷಿ ಕೆರಳುವುದೇಕೆ?

ಕೆವಿನ್ ಕಾರ್ಟರ್, ಕೆನ್ ಓಸ್ಟರ್‌ಬ್ರೋಕ್, ಗ್ರೆಗ್ ಮರಿ ನೋವಿಚ್, ಜೊಆವೋ ಸಿಲ್ವಾ.

ಇವರೆಲ್ಲರೂ ದಕ್ಷಿಣ ಆಫ್ರಿಕಾದ ಫೋಟೋಗ್ರಾಫರ್‍ಸ್. ವರ್ಣಭೇದ ನೀತಿಯ ವಿರುದ್ಧ ಭುಗಿಲೆದ್ದಿದ್ದ ಜನಾಂಗೀಯ ಸಮರ, ಸಾಮಾಜಿಕ ಕಲಹ ೧೯೯೦ರ ವೇಳೆಗೆ ತುತ್ತತುದಿಗೇರಿತ್ತು. ಬಿಳಿಯರು ಕರಿಯರು ಕೊಲೆ, ಕಚ್ಚಾಟದಲ್ಲಿ ತೊಡಗಿದ್ದರು. ಅಂತಹ ಹಿಂಸೆಯ ಹಸಿ ಹಸಿ ಫೋಟೋಗಳನ್ನು ತೆಗೆಯುವುದೇ ಈ ನಾಲ್ವರು ಛಾಯಾಚಿತ್ರಕಾರರ ಮುಖ್ಯ ದಂಧೆಯಾಗಿತ್ತು. ಜೋಹಾನ್ನೆಸ್‌ಬರ್ಗ್‌ನ ಮ್ಯಾಗಝಿನ್‌ನಲ್ಲಿ ಪ್ರಕಟವಾಗುತ್ತಿದ್ದ ಹೃದಯ ವಿದ್ರಾವಕ ಚಿತ್ರಗಳೆಲ್ಲ ಇವರದ್ದೇ ಆಗಿರುತ್ತಿದ್ದವು. “The Bang-Bang Club” ಎಂದೇ ಇವರು ಹೆಸರಾಗಿ ದ್ದರು. ೧೯೯೧ರಲ್ಲಂತೂ ಈ ಫೋಟೋಗ್ರಾಫರ್‌ಗಳ ಗ್ಯಾಂಗಿಗೆ ಜಗತ್ತಿನ ಅತಿ ದೊಡ್ಡ ಮನ್ನಣೆಯೇ ಸಿಕ್ಕಿತು. ಆಫ್ರಿಕನ್ ನ್ಯಾಷನಲ್ ಕಾಂಗ್ರೆಸ್‌ನ ಕಾರ್ಯಕರ್ತನೊಬ್ಬ ಶ್ವೇತವರ್ಣೀಯನನ್ನು ಚೂರಿಯಿಂದ ಇರಿದು ಸಾಯಿಸುತ್ತಿರುವುದನ್ನು ಸೆರೆ ಹಿಡಿದಿದ್ದ ಗ್ರೆಗ್ ಮರಿನೋವಿಚ್ ಛಾಯಾಚಿತ್ರಕ್ಕೆ ಪುಲಿಟ್ಜರ್ ಪ್ರಶಸ್ತಿ ಬಂತು. ಆದರೆ ಪುಲಿಟ್ಜರ್ ಪ್ರಶಸ್ತಿ ಬಂದ ನಂತರ ಈ ನಾಲ್ವರು ಫೋಟೋಗ್ರಾಫರ್‌ಗಳಲ್ಲೇ ಮೇಲಾಟ ಆರಂಭವಾಯಿತು.

ಅತ್ಯುತ್ತಮ ಚಿತ್ರವನ್ನು ತಾನೇ ತೆಗೆಯಬೇಕೆಂಬ ಸೆಣಸಾಟ ಆರಂಭವಾಯಿತು. ಅದರಲ್ಲೂ ತುಂಬ ಮಹತ್ವಾಕಾಂಕ್ಷಿಯಾಗಿದ್ದ ಕೆವಿನ್ ಕಾರ್ಟರ್ ತಾನು ಕೆಲಸ ಮಾಡುತ್ತಿದ್ದ ‘ವೀಕ್ಲಿ ಮೆಯ್ಲ್’ ಪತ್ರಿಕೆಯಿಂದ ರಜೆ ಪಡೆದು, ಒಂದಿಷ್ಟು ಸಾಲ ಮಾಡಿ 1993ರಲ್ಲಿ ಸೂಡಾನ್‌ನತ್ತ ಹೊರಟ. ಸೂಡಾನ್ ಭಾರೀ ಬರಕ್ಕೆ ತುತ್ತಾಗಿತ್ತು, ಅರಾಜಕತೆ ಸೃಷ್ಟಿಯಾಗಿತ್ತು. ಜನ, ಜನರನ್ನೇ ಸುಟ್ಟು ತಿನ್ನುವಷ್ಟು ಹಸಿದಿದ್ದರು. ಸೂಡಾನ್‌ನ ಅಯೋದ್ ಎಂಬ ಸ್ಥಳಕ್ಕೆ ಆಗಮಿಸಿದ ಕಾರ್ಟರ್ ಒಳ್ಳೆಯ ಫೋಟೋಕ್ಕಾಗಿ ಊರೂರು ಸುತ್ತಲಾರಂಭಿಸಿದ. ಹಸಿವಿನಿಂದ ಬಳಲುತ್ತಿರುವ, ಸಾವನ್ನು ಎದುರು ನೋಡುತ್ತಿರುವ, ಅದಾಗಲೇ ಸಾವಿಗೆ ತುತ್ತಾಗಿರುವವರ ಫೋಟೋ ತೆಗೆದ. ಹಾಗೆ ಸುತ್ತುತ್ತಿರುವಾಗ ಎಲ್ಲಿಂದಲೋ ಕೀರಲು ಧ್ವನಿಯೊಂದು ಕೇಳಿಸತೊಡಗಿತು. ಧ್ವನಿಯ ದಿಕ್ಕನ್ನೇ ಹಿಡಿದು ಬಂದರೆ, ಒಂದು ಸಣ್ಣ ಹೆಣ್ಣು ಮಗು ವಿಶ್ವಸಂಸ್ಥೆ ನಡೆಸುತ್ತಿದ್ದ ಗಂಜಿ ಕೇಂದ್ರದತ್ತ ಹೋಗಲು ಕಷ್ಟಪಡುತ್ತಿರುವುದು ಕಂಡಿತು. ಒಳ್ಳೆಯ ಫೋಟೋ ಸಿಕ್ಕಿತು ಎಂದುಕೊಂಡ ಕಾರ್ಟರ್, ಅದನ್ನು ತನ್ನ ಕ್ಯಾಮೆರಾದಲ್ಲಿ ಸೆರೆ ಹಿಡಿಯುವಷ್ಟರಲ್ಲಿ ಆ ಮಗುವಿನ ಹಿಂದೆ ರಣಹದ್ದೊಂದು ಬಂದು ಕುಳಿತುಕೊಂಡಿತು, ತನ್ನ ಹೊಟ್ಟೆ ತುಂಬಿಸಿಕೊಳ್ಳುವುದಕ್ಕಾಗಿ.

ಅನಿರೀಕ್ಷಿತವಾಗಿ ಆಗಮಿಸಿ ಕ್ಯಾಮೆರಾದ ಫ್ರೇಮ್‌ನೊಳಕ್ಕೆ ಸಿಕ್ಕಿಕೊಂಡ ರಣಹದ್ದು ಫೋಟೋ ಹಾಗೂ ಕಾರ್ಟರ್ ಇಬ್ಬರ ಅದೃಷ್ಟವನ್ನೂ ಬದಲಾಯಿಸಿ ಬಿಟ್ಟಿತು!

ಸೂಡಾನ್‌ನಲ್ಲಿನ ಬರದ ಬಗ್ಗೆ ಯಾವುದಾದರೂ ಒಳ್ಳೆಯ ಚಿತ್ರಗಳಿವೆಯೇ ಎಂದು ಶೋಧಿಸುತ್ತಿದ್ದ ಅಮೆರಿಕದ ‘ನೂಯಾರ್ಕ್ ಟೈಮ್ಸ್’ ಪತ್ರಿಕೆಯ ಕಣ್ಣಿಗೆ ಬಿತ್ತು ಕಾರ್ಟರ್‌ನ  ಚಿತ್ರ. ಕೂಡಲೇ ಕಾರ್ಟರ್‌ನಿಂದ ಫೋಟೋವನ್ನು ಖರೀದಿ ಮಾಡಿದ ನೂಯಾರ್ಕ್ ಟೈಮ್ಸ್ ೧೯೯೩, ಮಾರ್ಚ್ ೨೬ರ ತನ್ನ ಸಂಚಿಕೆಯಲ್ಲಿ ಪ್ರಕಟಿಸಿತು. ಇದ್ದಕ್ಕಿದ್ದಂತೆಯೇ ಆ ಚಿತ್ರ ಜಗತ್ತಿನ ಗಮನ ಸೆಳೆಯಿತು. ಕಾರ್ಟರ್ ಬೆಳಗಾಗುವಷ್ಟರಲ್ಲಿ ಜಗತ್ತಿನ ಅತ್ಯುತ್ತಮ ಫೋಟೋಗ್ರಾಫರ್ ಆಗಿದ್ದ. ಆ ಚಿತ್ರವಂತೂ ಆಫ್ರಿಕಾದ ವೇದನೆಯ ಸಂಕೇತವಾಗಿ ಬಿಟ್ಟಿತು. ಕಾರ್ಟರ್‌ಗೆ ತಿಂಗಳಿಗೆ 2 ಸಾವಿರ ಡಾಲರ್ ನೀಡುವುದಾಗಿ ‘ರಾಯಿಟರ್‍ಸ್’ ಏಜೆನ್ಸಿ ಹೊಸ ಕೆಲಸ ಕೊಟ್ಟಿತು. ಆತನ ಫೋಟೋವನ್ನು ಜಗತ್ತಿನ ಬಹಳಷ್ಟು ಪತ್ರಿಕೆಗಳು ಮರುಪ್ರಕಟ ಮಾಡಿದವು. ಹೀಗೆ ಹೀರೋ ಆದ ಕೆವಿನ್ ಕಾರ್ಟರ್‌ಗೆ ಪುಲಿಟ್ಜರ್ ಪ್ರಶಸ್ತಿಯೂ ಬಂತು. ಅಮೆರಿಕದ ಕೊಲಂಬಿಯಾ ವಿಶ್ವವಿದ್ಯಾಲಯದ ಆವರಣದಲ್ಲಿ ನಡೆದ ಭವ್ಯ ಸಮಾರಂಭದಲ್ಲಿ ಪ್ರಶಸ್ತಿ ಪಡೆದುಕೊಂಡು ಖುಷಿಯಿಂದ ದಕ್ಷಿಣ ಆಫ್ರಿಕಾಕ್ಕೆ ವಾಪಸ್ಸಾದ ಕೆವಿನ್ ಕಾರ್ಟರ್, ಅದೇಕೋ ಖಿನ್ನನಾಗ ತೊಡಗಿದ. ಅಂದು ನ್ಯೂಯಾರ್ಕ್ ಟೈಮ್ಸ್‌ನಲ್ಲಿ ಫೋಟೋ ಪ್ರಕಟವಾದ ನಂತರ ಪತ್ರಿಕಾ ಕಚೇರಿಗೆ ಸಾವಿರಾರು ಪತ್ರಗಳು ಬರ ಲಾರಂಭಿಸಿದವು.

ಎಲ್ಲರದ್ದೂ ಒಂದೇ ಪ್ರಶ್ನೆ- ಆ ಮಗುವೇನಾಯಿತು? ಗಂಜಿ ಕೇಂದ್ರವನ್ನು ತಲುಪಿತೇ? ಇನ್ನೂ ಬದುಕಿದೆಯೇ?

ಫೋಟೋ ತೆಗೆದ ಕೆವಿನ್ ಕಾರ್ಟರ್‌ಗೇ ಮಗು ಏನಾಯಿತು ಎಂಬುದು ತಿಳಿದಿರಲಿಲ್ಲ! ಫೋಟೋ ತೆಗೆದ ನಂತರ ಹದ್ದನ್ನು ಓಡಿಸಿ, ಒಳ್ಳೆಯ ಚಿತ್ರವನ್ನು ನೀಡಿದ್ದಕ್ಕಾಗಿ ದೇವರಿಗೆ ಮನದಲ್ಲೇ ಧನ್ಯವಾದ ಹೇಳಿ ಸಿಗರೇಟು ಹಚ್ಚಿಕೊಂಡು ಅಲ್ಲಿಂದ ಮುಂದೆ ಸಾಗಿದ್ದ!!

ಒಬ್ಬ ಫೋಟೋ ಜರ್ನಲಿಸ್ಟ್‌ನ ಕೆಲಸ ಫೋಟೋ ವನ್ನಷ್ಟೇ ತೆಗೆಯುವುದೇ? ಅಥವಾ ಆತನಿಗೂ ಸಾಮಾಜಿಕ ಜವಾಬ್ದಾರಿಗಳಿವೆಯೇ? ಅಂದು ಜಗತ್ತಿನಾದ್ಯಂತ ಇಂತಹ ಚರ್ಚೆಯೇ ಆರಂಭವಾಗಿಬಿಟ್ಟಿತು. ಕಾರ್ಟರ್‌ನ ನಡತೆಯನ್ನೇ ಪ್ರಶ್ನಿಸಲಾಯಿತು. “ಆ ಮಗುವಿನ ಯಾತನೆಯನ್ನು ತನ್ನ ಕ್ಯಾಮೆರಾ ಕಣ್ಣಿನಲ್ಲಿ ಸೆರೆ ಹಿಡಿಯಲು ಪ್ರಯತ್ನಿಸುತ್ತಿದ್ದವನೂ ಕೂಡ ಒಬ್ಬ ರಣಹದ್ದೇ ಆಗಿದ್ದ” ಎಂದು ಫ್ಲೋರಿಡಾ ಟೈಮ್ಸ್ ಪತ್ರಿಕೆ ಟೀಕಿಸಿತು. ಕಾರ್ಟರ್ ಕುಗ್ಗಿಹೋದ. ಪಾಪಪ್ರe ಕಾಡತೊಡಗಿತು.

ಮೂವತ್ಮೂರು ವರ್ಷದ ಕಾರ್ಟರ್ ತಾನೆಸಗಿದ ತಪ್ಪಿನ ಬಗ್ಗೆ ಎಷ್ಟು ನೊಂದುಕೊಂಡನೆಂದರೆ 1994, ಜುಲೈ 27ರಂದು ಬದುಕಿಗೇ ತೆರೆ ಎಳೆದುಕೊಂಡ. ಬಾಲ್ಯವನ್ನು ಕಳೆದಿದ್ದ ಸ್ಥಳದಲ್ಲೇ ಆತ್ಮಹತ್ಯೆ ಮಾಡಿಕೊಂಡಿದ್ದ. ಆತನ ಆತ್ಮಹತ್ಯೆ ಒಬ್ಬ ಪತ್ರಕರ್ತ ನಿಗೂ ಸಾಮಾಜಿಕ ಜವಾಬ್ದಾರಿಗಳಿವೆ ಎಂಬುದಕ್ಕೆ ದ್ಯೋತಕ ವಾಗಿತ್ತು. ಇಲ್ಲ ಎಂದು ವಾದಿಸುವವರು ವಾದಿಸಲಿ ಬಿಡಿ, ಆದರೆ ನೈತಿಕತೆ ಪ್ರe, ಅನುಕಂಪ ಇರುವ ಎಲ್ಲರಿಗೂ ಸಾಮಾಜಿಕ ಜವಾಬ್ದಾರಿಗಳಿರುತ್ತವೆ.

ಮೊನ್ನೆ ಮಂಗಳೂರಿನ ಪಬ್ ಮೇಲೆ ಶ್ರೀರಾಮ ಸೇನೆಯವರು ನಡೆಸಿದ ದಾಳಿಯ ಬಗ್ಗೆ ಆಳುವ ಸರಕಾರ ಹಾಗೂ ಪೊಲೀಸರನ್ನು ತರಾಟೆಗೆ ತೆಗೆದುಕೊಂಡ ಪತ್ರಕರ್ತರಿಗೆ ಮರು ಸವಾಲು ಹಾಕಿದ ಪೊಲೀಸ್ ಮಹಾನಿರ್ದೇಶಕ ಶ್ರೀಕುಮಾರ್, “ಹದಿನೈದು ನಿಮಿಷ ಮೊದಲೇ ನಿಮಗೆ ದಾಳಿಯ ಬಗ್ಗೆ ಸುದ್ದಿ ಗೊತ್ತಿತ್ತು. ನೀವೇಕೆ ಪೊಲೀಸರಿಗೆ ಮಾಹಿತಿ ನೀಡಲಿಲ್ಲ?” ಎಂದು ಪ್ರಶ್ನಿಸಿದರು.

ಪತ್ರಕರ್ತರೇ ತೆಪ್ಪಗಾಗಬೇಕಾಯಿತು.

ಇಂಗ್ಲಿಷ್, ಹಿಂದಿಯಂತೆ ಕನ್ನಡದಲ್ಲೂ ಅಗತ್ಯ ಮೀರಿ 24X7 ಚಾನೆಲ್‌ಗಳು ಬಂದ ನಂತರ ಎಲ್ಲರಿಗೂ ಸುದ್ದಿಯ ಹಸಿವು ಆರಂಭವಾಗಿದೆ. ಮಂಗಳೂರಿನಲ್ಲಂತೂ ಚಾನೆಲ್‌ಗಳ ಒಂದೊಂದು ಬಣಗಳೇ ಇವೆ. ಒಬ್ಬರಿಗೆ ಗೊತ್ತಾದರೆ ಆ ಬಣ ದಲ್ಲಿ ಇರುವ ಎಲ್ಲರಿಗೂ ಮಾಹಿತಿ ರವಾನೆಯಾಗುತ್ತದೆ. ಮೊನ್ನೆ ಆಗಿದ್ದೂ ಅದೇ. ಅಮ್ನೇಶಿಯಾ ಪಬ್ ಮೇಲೆ ದಾಳಿ ಮಾಡುತ್ತಿದ್ದೇವೆ ಎಂದು ಶ್ರೀರಾಮ ಸೇನೆ ನೀಡಿದ ಮಾಹಿತಿ ಕ್ಷಣಮಾತ್ರದಲ್ಲಿ ಎಲ್ಲ ಚಾನೆಲ್‌ಗಳಿಗೂ ಗೊತ್ತಾಯಿತು. ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಬಹುಸಂಖ್ಯಾತರ ವಿರುದ್ಧ ಹುಸಿ ಪ್ರಚಾರಾಂದೋಲನ ಮಾಡುವುದಕ್ಕೆಂದೇ ಜನ್ಮತಳೆದಂತೆ ವರ್ತಿಸುವ ‘ದಾಯ್ಜಿ ವರ್ಲ್ಡ್’ ಎಂಬ ವೆಬ್‌ಸೈಟ್‌ನ ಸಿಬ್ಬಂದಿಗಳೂ ಓಡಿಬಂದರು.

ಆದರೆ ಎಲ್ಲಿ ಸುದ್ದಿ ತಪ್ಪಿಹೋಗುತ್ತದೋ ಎಂಬ ಆತಂಕದಿಂದ ಎಲ್ಲರೂ ಪಬ್ ಬಳಿಗೆ ಹೋದರೇ ಹೊರತು ಯಾರಿಗೂ ಜವಾ ಬ್ದಾರಿಯ ನೆನಪಾಗಲಿಲ್ಲ. ಒಂದು ವೇಳೆ, ವರದಿ ಮಾಡುವುದಷ್ಟೇ ಮಾಧ್ಯಮಗಳ ಜವಾಬ್ದಾರಿ ಎನ್ನುವುದಾದರೆ ಮಾಧ್ಯಮಗಳು ವರದಿಯನ್ನಷ್ಟೇ ಮಾಡಬೇಕಿತ್ತು.

ಆದರೆ ಮಾಡಿದ್ದೇನು?

ಪೊಲೀಸರಿಗೆ ಮಾಹಿತಿ ನೀಡದೆ ಕ್ಯಾಮೆರಾ ಕೈಗೆತ್ತಿಕೊಂಡು ಬಂದು ಶ್ರೀರಾಮ ಸೇನೆಯ ಪುಂಡಾಟಿಕೆಗೆ ಪ್ರಚಾರ ನೀಡಿದ್ದೂ  ಇವರೇ, ಕೊನೆಗೆ ನೈತಿಕತೆಯ ಬಗ್ಗೆ ಪಾಠ ಹೇಳಲು, ‘ಹಿಂದೂ ತಾಲಿಬಾನ್’ ಎಂದು ತೀರ್ಪು ಕೊಡಲು ಮುಂದಾಗಿದ್ದೂ ಇವರೇ!

ಪ್ರಚಾರಕ್ಕಾಗಿ ಮಾಧ್ಯಮಗಳನ್ನು ಬಳಸಿಕೊಳ್ಳುವ ಕೆಟ್ಟ ಚಾಳಿ ಯನ್ನು ಕರ್ನಾಟಕದಲ್ಲಿ ಆರಂಭಿಸಿದ್ದು ಮಾಜಿ ಲೋಕಾಯುಕ್ತ ನ್ಯಾಯಮೂರ್ತಿ ವೆಂಕಟಾಚಲ!

ಭ್ರಷ್ಟ ಅಧಿಕಾರಿಗಳ ಮನೆ, ಕಚೇರಿಯ ಮೇಲೆ ದಾಳಿ ಮಾಡುವ ಹಕ್ಕು ಲೋಕಾಯುಕ್ತಕ್ಕಿದ್ದರೂ ಆ ಕೆಲಸವನ್ನು ಉಪಲೋಕಾ ಯುಕ್ತರು ಹಾಗೂ ಇತರ ಅಧಿಕಾರಿಗಳು ಮಾಡಬೇಕೇ ಹೊರತು ಮುಖ್ಯ ಲೋಕಾಯುಕ್ತರು ಆ ಕೆಲಸ ಮಾಡುವುದಿಲ್ಲ. ಆದರೆ ಹುಟ್ಟು ಪ್ರಚಾರಪ್ರಿಯರಾಗಿದ್ದ ವೆಂಕಟಾಚಲ ಅವರು ಸ್ವತಃ ದಾಳಿಗೆ ಹೊರಟರು. ಹೊರಟಿದ್ದೂ ತಪ್ಪಾಗಿರಲಿಲ್ಲ. ಇಂತಹ ಕಡೆ ದಾಳಿ ಮಾಡುತ್ತಿದ್ದೇವೆ ಎಂದು ಮಾಧ್ಯಮಗಳನ್ನೂ ಜತೆಗೆ ಕರೆದುಕೊಂಡು ಹೋಗಲಾರಂಭಿಸಿದರು. ಬೇಟೆಯಾಡಿದ ನಂತರ ವಶಪಡಿಸಿಕೊಂಡ ದುಡ್ಡು-ಕಾಸು, ಆಭರಣಗಳನ್ನು ಮುಂದಿಟ್ಟುಕೊಂಡು, ಎದುರಿಗೆ ಭ್ರಷ್ಟ ಅಧಿಕಾರಿಯನ್ನೂ ಕೂರಿಸಿಕೊಂಡು, ‘ಏನಯ್ಯಾ ಇಷ್ಟೆಲ್ಲಾ ದುಡ್ಡನ್ನು ಹೇಗೆ ನುಂಗಿದೆ? ಸರಕಾರಕ್ಕೆ ಮೋಸ ಮಾಡುತ್ತಿದ್ದೀಯಲ್ಲಾ ನಿನಗೆ ನಾಚಿಕೆಯಾಗು ವುದಿಲ್ಲವೆ? ಜನರಿಗೆ ದ್ರೋಹವೆಸಗುತ್ತಿದ್ದೀಯಲ್ಲಾ ಹೊಟ್ಟೆಗೆ ಏನು ತಿನ್ನುತ್ತೀಯಾ?’- ಇನ್ನು ಮುಂತಾದ ಪ್ರಶ್ನೆಗಳನ್ನು ಬಹಳ ಜೋಶ್ ಆಗಿ ಕೇಳುತ್ತಿದ್ದರು, ನೆರೆದವರು ಚಪ್ಪಾಳೆ ತಟ್ಟುತ್ತಿದ್ದರು, ಚಾನೆಲ್‌ಗಳಿಗಂತೂ ಭರಪೂರ ಭೋಜನ!

ಮನೆಯಲ್ಲಿ ಕುಳಿತು ನೋಡುತ್ತಿದ್ದವರ ಮನದಲ್ಲಂತೂ ‘ನ್ಯಾ.ವೆಂಕಟಾಚಲ ಅಂದ್ರೆ ಮೈಸೂರು ಹುಲಿ ಟಿಪ್ಪುಗಿಂತ ದೊಡ್ಡ ಹುಲಿ ಬಿಡಪ್ಪಾ’ ಎಂಬ ಧನ್ಯತಾ ಭಾವನೆ. ಹಾಗೆ ಜನ ಕಣ್ಣುಮಿಟುಕಿಸದೇ ಟಿವಿ ನೋಡಿದ್ದರಿಂದ ಚಾನೆಲ್‌ಗಳ ‘ಟಿಆರ್‌ಪಿ’ ಕೂಡ ಹೆಚ್ಚಾಗಿ ಜಾಹೀರಾತು ಕಬಳಿಸಲು ಅನುಕೂಲವಾಗುತ್ತಿತ್ತು. ಆದರೆ ವಾಸ್ತವದಲ್ಲಿ ನ್ಯಾ. ವೆಂಕಟಾಚಲ ಅವರಿಗೆ ಪ್ರಚಾರ, ಮಾಧ್ಯಮಗಳಿಗೆ ಆಹಾರ ಸಿಕ್ಕಿದ್ದು ಬಿಟ್ಟರೆ ಬೇರಾವ ಸಾಧನೆಯೂ ಆಗಲಿಲ್ಲ. ಅಷ್ಟಕ್ಕೂ ಲೋಕಾಯುಕ್ತಕ್ಕೆ ಕಳ್ಳರನ್ನು ಹಿಡಿಯುವ ಅಧಿಕಾರವಿದೆಯೇ ಹೊರತು, ಶಿಕ್ಷಿಸುವ ಹಕ್ಕಿಲ್ಲ. ಒಂದು ವೇಳೆ, ವೆಂಕಟಾಚಲ ಅವರಿಗೆ ನಿಜವಾಗಿಯೂ ಕಾಳಜಿ ಇದ್ದಿದ್ದರೆ ಅಧಿಕಾರಾವಧಿ ಮುಗಿದ ನಂತರ ತಮ್ಮ ಜನಪ್ರಿಯತೆಯನ್ನು ಉಪಯೋಗಿಸಿಕೊಂಡು ಲೋಕಾಯುಕ್ತಕ್ಕೆ ಶಿಕ್ಷಿಸುವ ಅಧಿಕಾರವನ್ನೂ ನೀಡಿ ಎಂದು ಜನಾಂದೋಲನ ರೂಪಿಸಬಹುದಿತ್ತು. ಅಂತಹ ಸಾಮರ್ಥ್ಯ, ಜನಪ್ರಿಯತೆ ಅಯಾಚಿತವಾಗಿ ಅವರಿಗೆ ಬಂದಿತ್ತು. ಇವತ್ತು ಹಾಲಿ ಲೋಕಾಯುಕ್ತರಾದ ನ್ಯಾ. ಸಂತೋಷ್ ಹೆಗ್ಡೆ ಅವರು ನ್ಯಾ.ವೆಂಕಟಾಚಲ ಅವರಿಗಿಂತಲೂ ಒಳ್ಳೆಯ ಕೆಲಸ ಮಾಡುತ್ತಿದ್ದಾರೆ. ಆದರೆ ಮಾಧ್ಯಮಗಳ ಮುಂದೆ ಭ್ರಷ್ಟ ಅಧಿಕಾರಿಗಳನ್ನು ಕೂರಿಸಿಕೊಂಡು ಧರ್ಮಬೋಧೆ ಮಾಡಿ, ಪ್ರಚಾರ ಪಡೆದುಕೊಳ್ಳುತ್ತಿಲ್ಲ ಅಷ್ಟೇ.
ಇಲ್ಲಿ ನ್ಯಾ.ವೆಂಕಟಾಚಲ ಅವರನ್ನು ತೆಗಳುವುದು ಮುಖ್ಯ ಉದ್ದೇಶವಲ್ಲ, ಉದ್ದೇಶ ಶುದ್ದಿ ಇಲ್ಲದವರಿಂದ ಆಗುವ ಅನಾಹುತ ಗಳ ಬಗ್ಗೆ ಅರಿವು ಮೂಡಿಸುವುದು.

ಹೀಗೆ ನ್ಯಾ.ವೆಂಕಟಾಚಲ ಅವರು ಮಾಧ್ಯಮಗಳಿಗೆ ಬಿಸ್ಕತ್ತು ಹಾಕುವುದನ್ನು ಆರಂಭಿಸಿದರು. ಮುಂದೆ ಮಾಧ್ಯಮಗಳಲ್ಲಿನ ಕಾರ್ಯಕ್ರಮ ನಿರ್ಮಾಪಕರೇ ಸ್ವಂತ ವಿವೇಕವಿಲ್ಲದವರಿಗೆ ಬಿಸ್ಕತ್ತು ಹಾಕಿ ತಮ್ಮ ಬೇಳೆ ಬೇಯಿಸಿಕೊಳ್ಳಲು ಆರಂಭಿಸಿದರು. ಅದಕ್ಕೆ ಅತ್ಯುತ್ತಮ ಉದಾಹರಣೆಯೆಂದರೆ ಹುಬ್ಬಳ್ಳಿಯಲ್ಲಿ ಟ್ಯೂಶನ್ ಹೇಳಿಕೊಡುತ್ತಿದ್ದ ಉಪನ್ಯಾಸಕರೊಬ್ಬರ ಮೇಲೆ ನಡೆದ ಹಲ್ಲೆ, ಬೆಂಗಳೂರಿನ ಕೆ.ಸಿ. ಜನರಲ್ ಆಸ್ಪತ್ರೆಯ ಮೇಲೆ ನಡೆದ ದಾಳಿ. ಠುಸ್ ಬಾಂಬ್ ಇಟ್ಟು ಕರ್ನಾಟಕ ರತ್ನವಾಗಿದ್ದ ಗಿರೀಶ್ ಮಟ್ಟಣ್ಣವರ್ ಅವರನ್ನು ಛೂ ಬಿಟ್ಟು ಈ ಎರಡೂ ದಾಳಿಯನ್ನು ನಡೆಸಿದ್ದು ‘ಕ್ರೈಮ್ ಡೈರಿ’ಯವರು. ‘ಕ್ರೈಮ್ ಡೈರಿ’ಗೆ ಒಳ್ಳೆಯ ಎಪಿಸೋಡ್‌ಗಳು ಸಿಕ್ಕಿದವು, ನಿರ್ಮಾಪಕನ ಕಿಸೆಯೂ ತುಂಬಿತು. ಆದರೆ ಮಂಗನಾಗಿದ್ದು ಮಾತ್ರ ಮಟ್ಟಣ್ಣ.

ಆನಂತರ ನಡೆದ ಮಂಚನಬೆಲೆ ಪ್ರಕರಣ, ಮೊನ್ನೆ ನಡೆದ ಪಬ್ ಮೇಲಿನ ದಾಳಿ ಮುಂತಾದುವುಗಳನ್ನು ಕೂಲಂಕಷವಾಗಿ ಗಮನಿಸಿದಾಗ, ಕೆಲವರು ತಮ್ಮ ಪುಂಡಾಟಿಕೆಯ ಪ್ರದರ್ಶನ, ಪ್ರಚಾರದ ಗೀಳಿಗಾಗಿ ಮಾಧ್ಯಮಗಳನ್ನು ಬಳಸಿಕೊಳ್ಳುವುದು, ತಾಳಕ್ಕೆ ತಕ್ಕಂತೆ ಕುಣಿಯುವ ಮೂಲಕ ಮಾಧ್ಯಮಗಳೂ ತಮ್ಮ ಸುದ್ದಿಯ ಹಸಿವನ್ನು ನೀಗಿಸಿಕೊಳ್ಳುವುದು ಹೀಗೆ ಸರದಿಯ ಮೇಲೆ ಒಬ್ಬರನ್ನೊಬ್ಬರು ಬಳಸಿಕೊಳ್ಳುತ್ತಿರುವುದು ಕಂಡು ಬರುತ್ತಿದೆ. ಚಾನೆಲ್‌ಗಳು ಜತೆಯಲ್ಲಿ ಹೋಗದಿದ್ದರೆ, ಪ್ರಚಾರ ಸಿಕ್ಕುವುದಿಲ್ಲ ಎಂಬ ಕಾರಣಕ್ಕೆ ಶ್ರೀರಾಮ ಸೇನೆಯ ಪುಂಡರು ಪಬ್ ಮೇಲೆ ದಾಳಿ ಮಾಡದೇ ಇರುವ ಸಾಧ್ಯತೆಯೂ ಇತ್ತು. ಅಕಸ್ಮಾತ್ ದಾಳಿ ಮಾಡಿದ್ದರೂ ಮೊದಲೇ ಮಾಹಿತಿ ಕೊಟ್ಟಿದರೆ ಪೊಲೀಸರು ತಕ್ಕಪಾಠ ಕಲಿಸುತ್ತಿದ್ದರು. ಇದು, ಶ್ರೀರಾಮ ಸೇನೆಯ ಪುಂಡರಿಂದ ಹೊಡೆತ ತಿಂದ ಯುವತಿಯರು ಕೆಳಗೆ ಬಿದ್ದ ದೃಶ್ಯಗಳನ್ನು ಪದೇ ಪದೆ ತೋರಿಸುತ್ತಾ ನೈತಿಕ ಕ್ರೌರ್ಯದ ಬಗ್ಗೆ ಮಾತನಾಡುವ ಮಾಧ್ಯಮಗಳಿಗೆ ಆ ಕ್ರೌರ್ಯ ಪ್ರದರ್ಶನದಲ್ಲಿ ತಮ್ಮದೂ ಪಾಲಿದೆ ಎಂದು ಅರ್ಥವಾಗುವುದಿಲ್ಲವೆ? ಒಂದು ವೇಳೆ, ಪೊಲೀಸರನ್ನು ಮೊದಲೇ ಎಚ್ಚರಿಸಿದರೆ ಆ ಯುವತಿಯರಿಗೆ ಬಿದ್ದ ಹೊಡೆತ, ಸಾರ್ವಜನಿಕ ಅವಮಾನವನ್ನು ತಪ್ಪಿಸಬಹುದಿತ್ತಲ್ಲವೆ?

ಹಾಗೆ ಮಾಡಿದ್ದರೆ ನಮ್ಮ ಇಂಗ್ಲಿಷ್ ಚಾನೆಲ್‌ಗಳಿಗೆ “””Nation Outraged”, “”National Shame”, “”Mangalore: The South Taliban'” ಎಂದು ಬೊಬ್ಬೆ ಹಾಕಲು, ರಾಷ್ಟ್ರೀಯ ಸುದ್ದಿಯಾಗಿಸಲು, ದುಬೈ ಜೈಲಿನಲ್ಲಿದ್ದ ಪ್ರಸಾದ್ ಬಿದ್ದಪ್ಪ ಅವರಂತಹ ಮಾದಕವಸ್ತು ವ್ಯಸನಿಗಳಿಂದ ನೈತಿಕ ಪಾಠ ಹೇಳಿಸಲು ಸಾಧ್ಯವಾಗುತ್ತಿರಲಿಲ್ಲ.

ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿಯವರು ಹೇಳುವಂತೆ ಮಾಧ್ಯಮಗಳು ಸುದ್ದಿಯನ್ನು ಬಿತ್ತರಿಸುವ ಬದಲು, “News Manufacturers” ಹಾಗೂ “News Traders” ಆಗಿವೆ. ಅವುಗಳ ಸುದ್ದಿಯ ಹಿಂದೆಯೂ ಮಾರ್ಕೆಟಿಂಗ್ ಮುಖ್ಯ ಪಾತ್ರ ವಹಿಸಿರುತ್ತದೆ. ಕಳೆದ ವಾರ ಬೆಂಗಳೂರಿನಲ್ಲಿ ಗೃಹಿಣಿಯರ ಸರಣಿ ಹತ್ಯೆಗಳಾದವು, ಒಬ್ಬ ಕುಡುಕನಂತೂ ನಾಲ್ವರು ಪಾದಚಾರಿಗಳನ್ನೇ ಬಲಿತೆಗೆದುಕೊಂಡ. ಆ ಸುದ್ದಿಗಳಿಗೆ ಸಿಕ್ಕ ಪ್ರಾಮುಖ್ಯತೆಗೂ ಮಂಗಳೂರಿನ ಪಬ್ ದಾಳಿಗೆ ಸಿಕ್ಕ ಪ್ರಚಾರಕ್ಕೂ ಹೋಲಿಕೆ ಮಾಡಿ. ಮಂಗಳೂರು ಘಟನೆ ಘಟಿಸಿ ನಾಲ್ಕು ದಿನ ಕಳೆದರೂ ಮುಖ್ಯ ರಾಷ್ಟ್ರೀಯ ಸುದ್ದಿಯಾಗಿ ಬಿತ್ತರವಾಗುತ್ತಿದೆ. ‘ಪ್ರೈಮ್ ಟೈಮ್’ ವಾರ್ತೆಯಲ್ಲಿ ದೊಡ್ಡ ದೊಡ್ಡ ಚರ್ಚೆಗಳಿಗೆ ಗ್ರಾಸವಾಗಿದೆ. ಬಾಲಿವುಡ್ ನಟ ರಾಹುಲ್ ಬೋಸ್ ಅವರಂತೂ ಇಂತಹ ಘಟನೆಗಳ ಬಗ್ಗೆ ನಾಗರಿಕ ಚಳವಳಿ ನಡೆಯಬೇಕು ಎಂದು ಕರೆ ನೀಡಿದ್ದಾರೆ, ಮಹಿಳಾ ಆಯೋಗ ಕೂಡ ಆಗಮಿಸಿದೆ. ಐವರು ಗೃಹಿಣಿಯರು, ನಾಲ್ವರು ಪಾದಚಾರಿಗಳು ಕೊಲೆಯಾದ ಘಟನೆ ಸಾಯಂಕಾಲದ ವಾರ್ತೆಯ ಹೊತ್ತಿಗೇ ಮಾಧ್ಯಮಗಳಿಗೆ ಮರೆತುಹೋಗಿತ್ತು!

ಆದರೆ ಮಂಗಳೂರಿನ ಘಟನೆ?

ನೈತಿಕತೆಯ ಬಗ್ಗೆ ಹೇಳುವ ಮಾಧ್ಯಮಗಳೂ ಅಂದ-ಚೆಂದ ನೋಡುತ್ತವೆ, ವಯಸ್ಸು ರೂಪ, ಜಾಬ್ ಪ್ರೊಫೈಲ್ ಅವುಗಳಿಗೆ ಮುಖ್ಯವಾಗುತ್ತದೆ. ಕಾಲ್‌ಸೆಂಟರ್ ಉದ್ಯೋಗಿ ಪ್ರತಿಭಾ ಕೊಲೆಯಾದ ದಿನವೇ ಬೆಂಗಳೂರಿನಲ್ಲಿ ಬುದ್ಧಿಮಾಂದ್ಯ ಹುಡುಗಿ ಯೊಬ್ಬಳ ಮೇಲೆ ಅತ್ಯಾಚಾರ ನಡೆದಿತ್ತು. ಪ್ರತಿಭಾ ಪ್ರಕರಣ ಅಂತಾರಾಷ್ಟ್ರೀಯ ಸುದ್ದಿಯಾಯಿತು, ಬುದ್ಧಿಮಾಂದ್ಯಳ ಅತ್ಯಾಚಾರದ ಸಣ್ಣ ಸುದ್ದಿಯೂ ಪ್ರಕಟವಾಗಲಿಲ್ಲ! ದಲಿತ ಮಹಿಳೆ ಯೊಬ್ಬಳನ್ನು ಉತ್ತರ ಪ್ರದೇಶದ ಠಾಕೂರರು ಬೆತ್ತಲುಗೊಳಿಸಿ ಮೆರವಣಿಗೆ ಮಾಡಿದರೂ, ಕಳೆದ ಮೇನಲ್ಲಿ ಬೆಂಗಳೂರಿನಲ್ಲಿ ವಿಷಪೂರಿತ ಸಾರಾಯಿ ಸೇವಿಸಿ ೧೫೦ ಜನ ಸತ್ತರೂ ನಮ್ಮ ಚಾನೆಲ್‌ಗಳಿಗೆ ದೊಡ್ಡ ಸುದ್ದಿಯಾಗುವುದಿಲ್ಲ. ಯುವ ಆರುಷಿ ತಲ್ವಾರ್ ಹತ್ಯೆ ಪ್ರಕರಣ ನಡೆದಾಗ ಮನೆಯ ಮುಂದೆ ಟೆಂಟು ಹಾಕಿ ಕೊಂಡು ಕುಳಿತು ಕೊಳ್ಳುತ್ತಾರೆ.

Does your conscience choose your action?

ಎಂಬ ಒಂದು ಜಾಹೀರಾತನ್ನು ನೀವು ಸಿಎನ್‌ಎನ್-ಐಬಿಎನ್ ಚಾನೆಲ್‌ನಲ್ಲಿ ಆಗಾಗ್ಗೆ ನೋಡಿರಬಹುದು. ಒಂದು ಜನ ನಿಬಿಡ ಸ್ಥಳದಲ್ಲಿ ಒಬ್ಬ ಭಿಕಾರಿ ತಲೆಸುತ್ತು ಬಂದು ಬಿದ್ದಿದ್ದರೂ ನೋಡಿಯೂ ನೋಡದವರಂತೆ ಹೋಗುತ್ತಿರುವ ಜನ ಹಾಗೂ ಅದೇ ಜಾಗದಲ್ಲಿ ಒಬ್ಬ ಸುಂದರ ಯುವತಿ ಕುಸಿದು ಬಿದ್ದ ಕೂಡಲೇ ಆಕೆಯನ್ನು ಎತ್ತಲು ಧಾವಿಸುವ ಜನಸ್ತೋಮವನ್ನು ತೋರಿಸಿ, “ನಿಮ್ಮ ಆತ್ಮ ಸಾಕ್ಷಿಗೂ ಆಯ್ಕೆಗಳಿವೆಯೇ?” ಎಂದು ಆ ಜಾಹೀರಾತಿನಲ್ಲಿ ಕೇಳುತ್ತಾರೆ. ಹಾಗೆ ಹೇಳುವ ಮಾಧ್ಯಮಗಳು ಕೃತಿಯಲ್ಲಿ ಮಾಡುತ್ತಿರುವುದೇನು? ಹದಿಹರೆಯದ ಯುವತಿಯರ ಮೇಲೆ ಹಲ್ಲೆಯಾದಾಗ, ಲೈಂಗಿಕ ದೌರ್ಜನ್ಯ ನಡೆದಾಗ ಮಾತ್ರ ಮಾಧ್ಯಮಗಳ ಆತ್ಮಸಾಕ್ಷಿಯೇಕೆ ರೊಚ್ಚಿಗೇಳುತ್ತದೆ? ನೀವೇ ಗಮನಿಸಿ, “ಆಂಕರ್‌ಗಳು ಬೇಕಾಗಿದ್ದಾರೆ. ವಯಸ್ಸು ೨೩ ದಾಟಿರಬಾರದು, ಸುಂದರ ಯುವತಿಯೇ ಆಗಿರಬೇಕು, ಆಕರ್ಷಕವಾಗಿರಬೇಕು, ಹಾಗಿದ್ದರೆ ಮಾತ್ರ ಅರ್ಜಿ ಹಾಕಿ” ಎಂದು ಜಾಹೀರಾತು ಕೊಡುವ ಮಾಧ್ಯಮಗಳಿಗೆ ನೈತಿಕತೆ ಬಗ್ಗೆ ಮಾತನಾಡುವ ಹಕ್ಕಿದೆಯೇ? ಬೇಕಾದರೆ ರಿಮೋಟ್ ಕೈಗೆತ್ತಿಕೊಂಡು ಚಾನೆಲ್ ಬದಲಾವಣೆ ಮಾಡಿ ನೋಡಿ, ಯಾವ ಚಾನೆಲ್‌ನಲ್ಲಿ ಕೃಷ್ಣ ಸುಂದರಿಯೊಬ್ಬಳು ನಿರೂಪಕಿಯಾಗಿದ್ದಾಳೆ ಪತ್ತೆ ಮಾಡಿ ತೋರಿಸಿ?

ಮಂಗಳೂರು ಘಟನೆಗೆ ಮಾಧ್ಯಮಗಳೇ ಕಾರಣ ಎಂದು ಟಿವಿ ಚಾನೆಲ್‌ಗಳನ್ನು ಕಟಕಟಗೆ ತಂದು ನಿಲ್ಲಿಸುವುದು ಇಲ್ಲಿರುವ ಉದ್ದೇಶವಲ್ಲ. ಆದರೆ ಮಾಧ್ಯಮಗಳಲ್ಲಿರುವ ನಮ್ಮ ಉದ್ದೇಶ ಶುದ್ಧಿಯ ಬಗ್ಗೆ ಇದೊಂದು ಜಿeಸೆಯಷ್ಟೇ.

ಅಂದಮಾತ್ರಕ್ಕೆ ಪ್ರಮೋದ್ ಮುತಾಲಿಕ್ ಅವರೇನು ಸಾಚಾ ಎಂದು ಹೇಳುತ್ತಿಲ್ಲ. ಅವರು ತಮ್ಮ ಬಣಕ್ಕೆ ‘ಶ್ರೀರಾಮ ಸೇನೆ’ ಎಂಬ ಹೆಸರಿಟ್ಟುಕೊಂಡಿರುವುದೇ, ಆ ಮರ್ಯಾದಾ ಪುರುಷೋತ್ತಮ ರಾಮನಿಗೆ ಬಗೆದ ಮಹಾದ್ರೋಹ. ಪಬ್ ಸಂಸ್ಕೃತಿಯ ಬಗ್ಗೆ ಮಾತನಾಡುವ ಮೊದಲು ತಮ್ಮ ಅನು ಯಾಯಿಗಳಲ್ಲಿ ಯಾರ್‍ಯಾರು ಕುಡಿದು ತೂರಾಡುವುದಿಲ್ಲ, ಅನುಚಿತವಾಗಿ ವರ್ತಿಸುವುದಿಲ್ಲ ಎಂಬುದನ್ನು ಮುತಾಲಿಕ್ ಕುಳಿತು ಲೆಕ್ಕಹಾಕುವುದೊಳಿತು! ಇನ್ನು ಭಾರತೀಯ ಸಂಸ್ಕೃತಿಯ ಬಗ್ಗೆ, ಮಾತೆಯರು, ಸೋದರಿಯರ ಬಗ್ಗೆ ಇವರಿಗೆ ಅಷ್ಟೊಂದು ಕಾಳಜಿ ಇದ್ದರೆ ಹೆಣ್ಣು ಭ್ರೂಣ ಹತ್ಯೆ, ಬಲವಂತದ ವೇಶ್ಯಾವಾಟಿಕೆ, ವರದಕ್ಷಿಣಿ ಕಿರುಕುಳದ ವಿರುದ್ಧ ಹೋರಾಟ ಮಾಡಲಿ ನೋಡೋಣ. ಚಾನೆಲ್‌ಗಳನ್ನು ಕರೆದುಕೊಂಡು ಹೋಗಿ ಕ್ಯಾಮೆರಾಗಳ ಮುಂದೆ ಪೌರುಷ ಪ್ರದರ್ಶನವೇಕೆ? ಒಂದು ವೇಳೆ, ಪಬ್‌ನಲ್ಲಿ ಅನೈತಿಕ ಚಟುವಟಿಕೆ ನಡೆಯುತ್ತಿದೆ ಎಂದಾಗಿದ್ದರೆ ಪಬ್ ಮುಂದೆ ಧರಣಿ ನಡೆಸಬಹುದಿತ್ತು, ಪರ ವಾನಗಿ ರದ್ದುಪಡಿಸುವಂತೆ ಒತ್ತಾಯಿಸಬಹುದಿತ್ತು. ಮನ ಸೋಯಿಚ್ಛೆ ಹೊಡೆಯಲು ಇವರಿಗೆ ‘ನೈತಿಕ ಪೊಲೀಸ’ನ ಕೆಲಸ ಕೊಟ್ಟಿರುವುದಾದರೂ ಯಾರು? ‘ನೈತಿಕತೆ’ ಅಂದ್ರೆ ಏನು ಎಂಬು ದನ್ನೇ ‘ಮರು ವ್ಯಾಖ್ಯಾನ’ ಮಾಡಬೇಕಾದ ಕಾಲ ಈಗ ಬಂದಿದೆ.

ಇವತ್ತು ಸಿದ್ಧರಾಮಯ್ಯನವರು ‘ಕುರುಬರಿಗೆ ಅನ್ಯಾಯ ವಾಗುತ್ತಿದೆ’ ಎಂದರೆ ‘ತನಗೆ ಅನ್ಯಾಯವಾಗಿದೆ’ ಎಂದು ಅರ್ಥ ಮಾಡಿಕೊಳ್ಳಬೇಕು. ಹಾಗೆಯೇ ‘ಭಾರತೀಯ ಸಂಸ್ಕೃತಿ ಹಾಳಾ ಗುತ್ತಿದೆ’ ಎಂದು ಮುತಾಲಿಕ್ ಬೊಬ್ಬೆ ಹಾಕಿದರೆ, ‘ಅವರಿಗೆ ಯಾರೂ ಕಿಮ್ಮತ್ತು ಕೊಡುತ್ತಿಲ್ಲ’ ಎಂದರ್ಥ. ಹಿಂದುತ್ವದ ಬಗ್ಗೆ ಎಷ್ಟೇ ಜೋರಾಗಿ ಕಿರುಚಿಕೊಂಡರೂ ಮುತಾಲಿಕ್‌ಗೆ ಮೊದಲಿನಿಂದಲೂ ರಾಜಕೀಯ ಮಹತ್ವಾಕಾಂಕ್ಷೆಗಳಿದ್ದವು. 2004ರ ಚುನಾವಣೆಯಲ್ಲಿ ಬಿಜೆಪಿ ಟಿಕೆಟ್‌ಗಾಗಿ ಪ್ರಯತ್ನಿಸಿ ನಿರಾಸೆಗೊಂಡ ಮುತಾಲಿಕ್, 2005ರಲ್ಲಿ ಭಜರಂಗ ದಳವನ್ನೇ ಬಿಟ್ಟು ಹೊರಬಂದರು, ಶಿವಸೇನೆ ಕಟ್ಟಿ ಇಕ್ಕಟ್ಟಿಗೆ ಸಿಕ್ಕಿದರು. ಕೊನೆಗೆ ಶ್ರೀರಾಮ ಸೇನೆ ಎಂದು ಹೆಸರು ಬದಲಾಯಿಸಿಕೊಂಡರು. ದಕ್ಷಿಣ ಕನ್ನಡದಲ್ಲಿ ಭಜರಂಗದಳ ತುಂಬ ಬಲಿಷ್ಠವಾಗಿದೆ ಹಾಗೂ ಅದಕ್ಕೆ ಒಳ್ಳೆಯ ಹೆಸರೂ ಇದೆ. ಏನಾದರೂ ಮಾಡಿ ಭಜರಂಗ ದಳವನ್ನು ಮೀರಿಸಬೇಕೆಂದು ಹೊರಟ ಪುಂಡರು ಮಾಡಿದ ಪ್ರಚಾರತಂತ್ರವೇ ಪಬ್ ಮೇಲಿನ ದಾಳಿ. ಇವರಿಂದಾಗಿ ಹಿಂದುತ್ವ ಹಾಗೂ ಭಾರತೀಯ ಸಂಸ್ಕೃತಿಯ ಸಂರಕ್ಷಣೆ ಬಗ್ಗೆ ನಿಜವಾಗಿಯೂ ಕಾಳಜಿ ಹೊಂದಿರುವವರಿಗೆ ಕೆಟ್ಟ ಹೆಸರು ಬಂತು, ಇಡೀ ಬಲಪಂಥೀಯರು ದೂಷಣೆಗೆ ಒಳಗಾಗಬೇಕಾಗಿ ಬಂತು ಅಷ್ಟೇ.

If you see dust all around, it may be the speck on your spect(acle)ಎಂಬ ಸೈಂಟ್ ಥಾಮಸ್ ಮಾತು ನಮ್ಮ ಮಾಧ್ಯಮಗಳು ಹಾಗೂ ‘ಮಾರಲ್ ಪೊಲೀಸ’ರಿಬ್ಬರಿಗೂ ಅನ್ವಯವಾಗುತ್ತದೆ.

46 Responses to “ಹರೆಯದವರ ಮೇಲೆ ಹಲ್ಲೆಯಾದಾಗ ಮಾತ್ರ ನಮ್ಮ ಆತ್ಮಸಾಕ್ಷಿ ಕೆರಳುವುದೇಕೆ?”

  1. Suresh says:

    Dear Pratap,
    Nimma lekhana chennagide. Onde drastikonadinda neevu ondu vishayavanna nodutteeri endu nanagannisutte.

  2. Kumar says:

    Jus Superb. Pratap, neevu helta irodu sari. Media should take social responsibility. Even normal people also should be more educated enough to to analyze the right things in the news.

  3. Prashanth A says:

    Hi Pratap,

    An excellent write up,
    Both media and Moral policing people has to understand what they are doing and where it will effect them and as well as the Society. Its an eye opener for all i guess, we have to conscious of what we are doing, we do not need any such moral polices around. Even before becoming moral police they should think whether they are eligible for moral policing..?

    Thanks
    Prashanth A

  4. keshav says:

    ಪ್ರತಾಪ್,
    ತುಂಬ ಚೆನ್ನಾಗಿ ಬರೆದಿದ್ದೀರಿ. ಮಾಧ್ಯಮ ಮತ್ತು ರಾಮಸೇನೆ-ಎರಡರ ಬಗ್ಗೆಯೂ ತೂಕದ ಲೇಖನ.
    -ಕೇಶವ

  5. Preetham says:

    Hi,

    What an article it is? Simply superb. The way of thinking for this little age is very appreciable. We are very proud of Mr. Pratap Simha. We are great having such a impressive writer between us. Keep going, we are their with you.

  6. Keshav says:

    Hi Pratap,
    Very good Article,
    ಗುಜರಾತ್ ಮುಖ್ಯಮಂತ್ರಿ ನರೇಂದ್ರ ಮೋದಿಯವರು ಹೇಳುವಂತೆ ಮಾಧ್ಯಮಗಳು ಸುದ್ದಿಯನ್ನು ಬಿತ್ತರಿಸುವ ಬದಲು, “News Manufacturers” ಹಾಗೂ “News Traders” ಆಗಿವೆ. ಎಂಬ ಮಾತು ೧೦೦% ಸತ್ಯ ……. ಸ್ತ್ರಿಯರ ಪರವಾದ ಈ ಮಾದ್ಯಮದವರು ಮತ್ತು ಈ ರೇಣುಕ ಚೌದರಿ ಅಂತವರು ಹೋದ ವರ್ಷ ಮುಂಬಯಿಯಲ್ಲಿ ಡಿಸೆಂಬರ್ ೩೧ ರಂದು ಅತ್ಯಾಚಾರ ಅದಾಗ ಎಲ್ಲಿ ಹೋಗಿದ್ದರು..? ಮಂಗಳೂರು ಘಟನೆಯನ್ನು ಒಂದು ರಾಷ್ಟ್ರೀಯ ಅವಮಾನ ಎಂದು ಬಣ್ಣಿಸಿದ್ದು ಏನ್ ಡಿ ಟಿವಿ ಮುಂತಾದ ಚ್ಯಾನಲ್ಗಳು. ಅದಕ್ಕೆ ಕುಮ್ಮುಕ್ಕು ಕೊಟ್ಟಿದ್ದು ಮಂಗಳೂರಿನ ಕ್ರೈಸ್ತ ಮಾಫಿಯಾ. ಈ ಮಾಫಿಯಾ ಗುಂಪು ಸದಾ ಹಿಂದೂ ವಿರೋಧಿ ಷಡ್ಯಂತ್ರದಲ್ಲಿ ತೊಡಗಿಕೊಂಡಿದೆ. ತಮ್ಮ ವೆಬಸೈಟ್ನಲ್ಲಿ ಕೇವಲ ಹಿಂದೂ ವಿರೋಧಿ ವರದಿ , ಕಾಮೆಂಟ್ ಮಾತ್ರ ಪ್ರಕಟಿಸುವ ಈ ಕ್ರೈಸ್ತ ಮಾಫಿಯಾ ಇನ್ನೊಂಡದೆ ಮುಸ್ಲಿಮರನ್ನು ಹಿಂದೂಗಳ ವಿರುದ್ದ ಎತ್ತಿ ಕಟ್ಟುವ ಹೀನ ಕೆಲಸ ಮಾಡುತ್ತಿದೆ
    ಪಬ್ ಗಳು ಭಾರತೀಯ ಸಂಸ್ಕೃತಿಗೆ ಬೇಕೆ ? ಪ್ರಜಾಪ್ರಬುತ್ವ ಎಂದರೆ ಯಾರು ಏನು ಬೇಕಾದರು ಮಾಡಬಹುದು ಹೇಗೆ ಬೇಕಾದರು ಇರಬಹುದು ಎಂಬ ಅರ್ಥವೇ ? ಅಥವಾ ಪಬ್ & ಬಾರ್ ಗಳಲ್ಲಿ ಅರೆ ಬೆತ್ತಲಾಗಿ ಕುಣಿಯುವುದೇ ನಾಗರೀಕತೆಯೇ ? ಇದರಿಂದ ಸಮಾಜದ ಸ್ವಾಸ್ಥ್ಯ ಹದಗೆಡುವುದರಲ್ಲಿ ಸಂಶಯವೇ ಇಲ್ಲಾ, ಇದನ್ನು ತಡೆಯುವುದು ಸಮಾಜದ ಪ್ರತಿಯೊಬ್ಬ ನಾಗರೀಕನ ಕರ್ತವ್ಯವಾಗಿದೆ. ಈ ರಾಮ ಸೇನೆಯವರ ಉದ್ದೇಶ ಸರಿಯಿದೆ. ಆದ್ರೆ ಪ್ರತಿಭಟಿಸಿದ ಮಾರ್ಗ ಸರಿಯಿಲ್ಲ. ನಾವು ಸ್ವಾತಂತ್ಯ್ರ ಮತ್ತು ಸ್ವೇಚ್ಚಾಚಾರದ ನಡುವಿನ ಅಂತರವನ್ನು ಕಾಯ್ದುಕೊಳ್ಳಬೇಕು…..

  7. naveenchandra says:

    superb article………….media is not showing female infanticide,dowry cases etc………………..sriram sena has done superb thing by kicking girls who were wearing mini skirts,mini blouses etc………it was the happiest day of my life…………one should attract others with their body exposure…………….

  8. ಪ್ರತಾಪ್………ನಿರೀಕ್ಷೆಯಂತೆ ಉತ್ತಮ ಲೇಖನ ಕೊಟ್ಟದ್ದಕ್ಕೆ ಧನ್ಯವಾದಗಳು.
    ……’ಸೇನೆ'(ಶ್ರೀರಾಮನ ಹೆಸರನ್ನು ಜೋಡಿಸಲು ನನಗೆ ಮನಸ್ಸಿಲ್ಲ) ಮಾಡಿದ ಕೆಲಸ ಖಂಡಿತವಾಗಿ ತಪ್ಪು. ಸ್ವಾತಂತ್ರ್ಯದ ಹೆಸರಿನಲ್ಲಿ ನಡೆಸುವ ಸ್ವೇಚ್ಛಾಚಾರವೂ ತಪ್ಪು. ಸಾಮಾಜಿಕ ಪ್ರಜ್ನೆ ಪ್ರತಿಯೊಬ್ಬರಿಗೂ ಇರಬೇಕು. ಹರೆಯದ ಮಕ್ಕಳೆಲ್ಲರಿಗೂ ಸರಿ ತಪ್ಪುಗಳ ಅರಿವು ಸರಿಯಾಗಿ ಇರುವುದಿಲ್ಲ. ಒಬ್ಬ/ಒಬ್ಬಳು ಮಾಡುವ ತಪ್ಪುಗಳು ಹಲವರನ್ನು ಅದೇ ತಪ್ಪು ಮಾಡುವಂತೆ ಪ್ರೇರೇಪಿಸುತ್ತದೆ. ಆದ್ದರಿಂದ ಸ್ವಾಸ್ಥ್ಯ ಸಮಾಜ ಕ್ಕಾಗಿ ನಾವೆಲ್ಲರೂ ಒಟ್ಟಾಗಲೇಬೇಕಾಗಿದೆ. ……….ಮತ್ತಿಲ್ಲಿ ಸ್ತ್ರೀ ಸ್ವಾತಂತ್ರದ ಹರಣವಾಗುತ್ತಿದೆಯೆಂದೂ ನನಗನಿಸುವುದಿಲ್ಲ. ಯಾರೋ ಕೆಲವು ಪುಂಡರು ತಮ್ಮ ವಿಕೃತಿಯನ್ನು ತೋರಿದ ಮಾತ್ರಕ್ಕೆ ಹಾಗೇಕಂದುಕೊಳ್ಳಬೇಕು? ಆರೋಗ್ಯಕರ ಸಮಾಜದ ನಿರ್ಮಾಣದಲ್ಲಿ ಮಹಿಳೆಯ ಜವಾಬ್ದಾರಿ ಜಾಸ್ತಿಯಿದೆ. ಅದರ ನಿರ್ವಹಣೆಯಲ್ಲಿ ಕೊರತೆಯಾಗುತ್ತಿರುವುದು ಬೇಸರದ ಸಂಗತಿ. ಪ್ರತಾಪ್ ರ ಈ ಲೇಖನವನ್ನೋದಿಯಾದರೂ ಮಾಧ್ಯಮದವರು ತಮ್ಮ ಜವಾಬ್ದಾರಿಯನ್ನರಿತು ವರ್ತಿಸಲಿ.

  9. Dear friends
    When you are able to read and understand Pratap’s Kannada article……..i fail to understand the significance of your comments in English !! Probably you think in English ……..is it? …….I request you to be kind enough to write in kannada rather than struggling in English……..so that people like me can understand it properly!!!!!!!! hope you aren’t hurt

  10. Venkat, USA says:

    Pratap ji, nice Aritcle, as usual.
    You have effectively narrated the responsibility of the Media. But what Medias are doing in India, today? Now Its just any ones’ guess.

    We have very few journalists like one Sri Pratapsimha, who advocates the truth by their sharp pointed pens. I Solute to such bold & adventures’ journalists.

    Keshav #6, I appreciate your view.

    Thanks Pratap, Please write atleast 2 articles a week, society needs your medicine.

  11. Ram Sharma says:

    Dear Pratap, very good article, Thank you.
    I wanna share the story of Indian Media, which I had a chance to read, three months ago.
    Who owns the media in India?
    NDTV: A very popular TV news media is funded by Gospels of Charity in Spain Supports Communism. Recently it has developed a soft corner towards Pakistan because Pakistan President has allowed only this channel to be aired in Pakistan . Indian CEO Prannoy Roy (a Christian) is co-brother of Prakash Karat, General Secretary of the Communist party of India .His wife and Brinda Karat are sisters.

    India Today which used to be the only national weekly which supported BJP is now bought by NDTV!! Since then the tone has changed drastically and turned into Hindu bashing.
    CNN-IBN: This is 100 percent funded by Southern Baptist Church with its branches in all over the world with HQ in US. The Church annually allocates $800 million for promotion of its channel. Its Indian head is Rajdeep Sardesai and his wife Sagarika Ghosh.
    Times group list:
    Times Of India, Mid-Day, Nav-Bharth Times, Stardust, Femina, Vijay Times, Vijaya Karnataka, Times now (24- hour news channel) and many more.. Times Group is owned by Bennet & Coleman. `World Christian Council? does 80 percent of the Funding, and an Englishman and an Italian equally share balance 20 percent. The Italian Robertio Mindo is a close relative of Sonia Gandhi.
    Star TV: It is run by an Australian, who is supported by St. Peters Pontifical Church Melbourne.
    Hindustan Times: Owned by Birla Group, but hands have changed since Shobana Bhartiya took over. Presently it is working in Collaboration with Times Group.

    The Hindu: English daily, started over 125 years has been recently taken over by Joshua Society, Berne , Switzerland . N. Ram`s wife is a Swiss national.
    Indian Express: Divided into two groups. The Indian Express and new Indian Express (southern edition) ACTS Christian Ministries have major stake in the Indian Express and latter is still with the Indian counterpart.

    Eeenadu: Still to date controlled by an Indian named Ramoji Rao. Ramoji Rao is connected with film industry and owns a huge studio in Andhra Pradesh.

    Andhra Jyothi: The Muslim party of Hyderabad known as MIM along with a Congress Minister has purchased this Telugu daily very recently.

    The Statesman: It is controlled by Communist Party of India.

    Kairali TV: It is controlled by Communist party of India (Marxist)

    Mathrubhoomi: Leaders of Muslim League and Communist leaders have major investment.

    Asian Age and Deccan Chronicle: Is owned by a Saudi Arabian Company with its chief Editor M.J. Akbar.

    > > Gujarat riots which took place in 2002 where Hindus were burnt alive,

    Rajdeep Sardesai and Bharkha Dutt working for NDTV at that time got around 5 Million Dollars from Saudi Arabia to cover only Muslim victims, which they did very faithfully. Not a single Hindu family was interviewed or shown on TV whose near and dear ones had been burnt alive, it is reported.

    Tarun Tejpal of Tehelka.com regularly gets blank cheques from Arab countries to target BJP and Hindus only, it is said.

    The ownership explains the control of media in India by foreigners..
    The result is obvious.

    PONDER OVER THIS. NOW YOU KNOW WHY EVERY ONE IS AGAINST TRUTH, HOW VERY SAD.

    (Pratap, pardon me for consuming more space!)

  12. Abhirama says:

    Hi Pratap Simha,
    Namma kelavu patra kartarige, sahiti galige, mattu rajakarani galige bekagirodu tamma Photo athava hesaru marudinada paper nalli barodu mukhya. idakke udaharane andre namm “GYANAPEETHA PRASHASTI” vijetarada Girish Karnadara Tippu prakarana, Ravi belagere Bhyrappa avrige Vijaya karnataka dalli kottiro uttara ondu example.

    Namma congress nayakarantu ee “PUBAYANA” da bagge bhaari matadtidare. Tamma ele li biddiro handina bittu bere yeleli odtiro irve bagge matadtare.

    2008 ralli nadeda bomb dhaligalannella ee namm nayakaru maretu tamma vote gagi ee PUBAYANA vanna balasikollutiddare. aa yellaaa bomb dhaligaligu sikkiddu heccendare bari 1 varada prachara, aadare ee PUBAYANA ke innu prachara sigtane ide…

    yaru yeene baredaru saha ee namma matadara bandhu galu yelo tanaka.. “E DESHAD KATHE ISTE KANAMMO…NI CINTE MADI LABHA ILLAMOOO….”

    From
    Abhirama

  13. Vijaykumar says:

    Superb article Pratap

  14. sanjeev kumar sirnoorkar says:

    hi pratap nice article…..idu nijakkoo yochisuva maatu………kela amshagalannu tumba tulanaatmakavaagi vivarisiddeera…….nimma kalpana shaktige nanna namanagalu………..aadarallioo maadhyamagala jaahiraatu, niroopakiyara prastaapa nijakko samanjasa…………..tumba chennagide keep it up………..!
    iamma tourism student i really feel bad about the status of tourism in karnataka………where as we have got all potentialities so ondu binnaha karnatakada pravaasodyamavannu kuritu ondu lekhana bareyiri…………….jagrutigaagi!!!

    thank you!

  15. Jagadeesh says:

    Dear Pratap,
    Excellent article , media should understand its responsibility rather than showing these type of junk news.

    Cheers
    Jagadeesh

  16. ravi says:

    Nice Atrice Prataap, simply super!!!!!!!!

  17. nandeeshgandhi says:

    marvellous! sir pls always write these type

  18. ಮೋಹನ್ says:

    thank you ram for the information.

    That’s why our own Vijay Karnataka advertised Joyce Meyer’s convertion spree called Festival of Life.

  19. ms manjunatha says:

    ಪ್ರೀತಿಯ ಪ್ರತಾಪಸಿಂಹರವರಿಗೆ.
    ನಿಮ್ಮ ಲೇಖನ ಓದಿದೆ ತುಂಬಾ ಚಿನ್ನಾಗಿದೆ. ಆದರೆ ವೆಂಕಟಾಚಲ ರವರ ಬಗೆಗಿನ ನಿಮ್ಮ ಧೋರಣೆ ಸರಿಯಲ್ಲ ಎಂಬುದು ನನ್ನ ಅನಿಸಿಕೆ.ಸರ್ಕಾರಿ ನೌಕರರಲ್ಲಿನ ಕಡುಭ್ರಷ್ಟರನ್ನ ಒಂದು ಸಾರ್ವಜನಿಕ ಅವಮಾನಿಕ್ಕೆ ಹೀಡುಮಾಡುವ ಮೂಲಕ ಭ್ರಷ್ಟರಿಗೆ ಸಿಂಹಸ್ವಪ್ನವಾಗಿದ್ದವರು ವೆಂಕಟಚಲ.ಪ್ರಚಾರಪ್ರಿಯತೆ ಇದಕ್ಕೆ ಪ್ರೇರಣೆಯಾಗಿತ್ತು ಎಂಬುದು ನಂಬಲನರ್ಹ.

  20. Ashish says:

    I have never waited as much for your article as i did this week.If i say that i was disappointed that would be an understatement.I expected a much better article.I have to agree with Indy.Your past few articles were terribly disappointing.It looks as if you are busy with some other work and you are scribbling out something just for the sake of filling up Saturday’s editorial page.I want the old Pratap Simha back.I know that you don’t take too kindly to criticism.But being a huge fan,i just feel that it is my duty to pass a frank opinion.
    Going back to today’s article,there was no need to go way out of the track and criticize Venkatachala.According to you,he used the media for publicity.You feel that he was wrong in taking the media along with him and exposing corrupt people.But what is wrong in exposing corrupt people?I feel that what he did was perfectly right.After all he was letting the people know who is corrupt and who is not.Whats wrong in that?If the media makes a big news its well and good.Swalpa maryade iddavru innondsala mosadalli hana maaduvaga eradu sala yochistare.The very fact that our Karnataka politicians did not want to give another term to him proves that he was efficient.Lets appreciate him for his good work and be grateful rather than needlessly questioning his intentions.Sincere taxpayers have no reason to criticize him.We only benefited from his good work.It is only the corrupt people who have a reason to hate him.
    Regards

  21. Anu says:

    Hi,
    Good mrng….
    Nice article… But i just wanted to ask abt the thing tht u va said abt the advt gvn by the tv channels for anchors… “ಆಂಕರ್‌ಗಳು ಬೇಕಾಗಿದ್ದಾರೆ. ವಯಸ್ಸು ೨೩ ದಾಟಿರಬಾರದು, ಸುಂದರ ಯುವತಿಯೇ ಆಗಿರಬೇಕು, ಆಕರ್ಷಕವಾಗಿರಬೇಕು, ಹಾಗಿದ್ದರೆ ಮಾತ್ರ ಅರ್ಜಿ ಹಾಕಿ” ಎಂದು ಜಾಹೀರಾತು ಕೊಡುವ ಮಾಧ್ಯಮಗಳಿಗೆ ನೈತಿಕತೆ ಬಗ್ಗೆ ಮಾತನಾಡುವ ಹಕ್ಕಿದೆಯೇ? ಬೇಕಾದರೆ ರಿಮೋಟ್ ಕೈಗೆತ್ತಿಕೊಂಡು ಚಾನೆಲ್ ಬದಲಾವಣೆ ಮಾಡಿ ನೋಡಿ, ಯಾವ ಚಾನೆಲ್‌ನಲ್ಲಿ ಕೃಷ್ಣ ಸುಂದರಿಯೊಬ್ಬಳು ನಿರೂಪಕಿಯಾಗಿದ್ದಾಳೆ ಪತ್ತೆ ಮಾಡಿ ತೋರಿಸಿ?”
    i think u too ve said the same thing, the need for beautiful girls for anchors… n u ve said “ಕೃಷ್ಣ ಸುಂದರಿ” thats all… anyway y do u need a “ಸುಂದರಿ”… n wht do u actually mean by that word????????
    spread smiles n smiles to u
    Anu

  22. Pradhan says:

    Hi Mr. Pratap,

    this is one of your best articles to date…ನೀವು ಮಾಧ್ಯಮದ ವ್ಯಕ್ತಿಯಾಗಿದ್ದೂ ಟಿವಿ ಚಾನೆಲ್ಗಳ ಬಗ್ಗೆ ಹಾಗೂ ಹಿಂದೂ ‘ನೈತಿಕ ಪೋಲಿಸ್’ರ ಬಗ್ಗೆ ನಿಷ್ಟೂರವಾಗಿ, ನಿಷ್ಪಕ್ಷಪಾತವಾಗಿ ಬರೆದು ಸತ್ಯವನ್ನು ಬಿಂಬಿಸಿದ್ದೀರಿ . ನಿಮಗೆ ಅಭಿನಂದನೆಗಳು ….Hope it becomes an eye-opener for the pseudo-religious law breakers & pseudo intellectuals of our country…Let the media be more responsible in its profession. You Rock !!!

    – Pradhan, Mangalore.

  23. Joshi says:

    Nice article indeed.

  24. Pravs says:

    Prathap,
    Very good article,

  25. GRTGowda says:

    Nice article but I don’t agree with you on Justice Venkatachala, because he may be a publicity-liked person but that really helped lokayuktha to get the people confidence and people started complaining and informing lokayouktha with confidence.. and many people came to know about lokayuktha only after Justice venkatachala took charge.

  26. ಯೋಗೇಶ್ ಗೌಡ ಆರ್ says:

    ಉತ್ತಮ ವಾದ ಲೇಖನ ಪ್ರತಾಪ್. ನನ್ನ ಮನದಾಳದ ಮಾತಿಗೆ ಬರವನಿಗೆಯ ರೂಪ ಕೊಟ್ಟಂತ್ತಿತ್ತು. ಇನ್ನು ಈ ನ್ಯೂಸ್ ಚಾನಲ್ ಗಳ ಬರ್ಖಾದತ್ತ್, ಸರದೀಪ್ ದೇಸಾಯಿ, ಅರ್ನಬ್ ಗೋಸಾಮಿಯವರ ಬುರುಡೆ ಸಮಾಚಾರಗಳನ್ನ ನೋಡಿ ನೋಡಿ ನನಗಂತು ಇವರುಗಳು ತಮ್ಮ ವಾಹಿನಿಯ ‘T R P’ ಹೆಚ್ಚುಮಾಡಿಕೊಳ್ಳೊ salesmen ಗಳ ಹಾಗೆ ಕಾಣಿತ್ತಾರೆ. ಇವರು ಹೇಳಿದ್ದೆ ಸುದ್ದಿ, ಹೇಳಿದ್ದೆ ಸತ್ಯ. ತಮ್ಮನ್ನು ತಾವೇ Supreme courte judge, ಹರಿಚ್ಚಂದ್ರನ Xerox copy ತರ ಬಿಂಬಿಸಿಕೊಳ್ತಾರೆ. ಇವರ ಚಾನೆಲ್ ಗಳು INDIAS NO 1 ಚಾನೆಲ್ ಗಳು, ಆದರೆ ಅದರ ತಲೆಮೇಲೆ ಚಿಕ್ಕ STARS ಗಳಾಕಿ Condition apply ಅನ್ನೊದನ್ನ ಮಾತ್ರಹಾಕೊದಕ್ಕೆ ಮರೇಯೋದಿಲ್ಲ. ಇನ್ನು ಇವರು ಪ್ರಸಾರ ಮಾಡೋ ಸುದ್ದಿಯ ವಿಶ್ವಾಸಾರ್ಹತೆ ಅವರ ಕಂಪನಿಯ Office Boys ಗೂ ಇರೋದಿಲ್ಲ. Thanks for nice artical Pratap.

  27. Balu says:

    Excellent one..
    It’s true that media is focussing on white skin and skimpy dresses. Many times I wonder if there is any difference between a bollywood entertainment channels and NDTV/Headlines Today etc.. Burkha Dutt did a good job during Kargil. But these days I just close my ears while she screams.
    NCW and other useless women’s groups fail to do any justice to common woman. They just run after high profile cases which can potentially give a front page coverage.

  28. Vijay says:

    To # 11 Ram Sharma
    ಮಾಹಿತಿಗೆ ಧನ್ಯವಾದಗಳು ರಾಮ್. ತಾವು ಇದರ ಮೊಲವನ್ನು ತಿಳಿಸದರೆ ಬಹಳ ಉಪಕಾರವಗುತ್ತೆ.

  29. ASHA ALAKERE says:

    Article is good, but
    I want the old Pratap Simha Article.

  30. ASHA ALAKERE says:

    Article is good, but Your past few articles were terribly disappointing,
    I want the old Pratap Simha Article.

  31. Puro says:

    Is it possible to translate this article into English, for people who cannot read Kannada? I am very curious to know what Pratap Simha thinks of this terrible incident, but I do not know how to read Kannada (even though I can speak and understand the language).

    Thank you.

  32. Rashmi D P says:

    Hi..Excellent Article…

  33. naveenchandra says:

    these women organisations will never fight against dowry,female infanticide etc….they wil make big shows during world womens day……….today only three type of people get importance in india are politicians,bollywood exposing women and cricket……..there is no value for soldiers ,scientists…….people r forgetting pakistani terror attack with pub attack……….modernity is different with pub culture and nudity………in malaysia there is dress code for every one……..it must be implemented in india also………………..kick all these communist media…………

  34. D.M.Sagar says:

    Hi Pratap,
    Indeed a very thought provoking article. The background, essence and the aim of the article – all are well written and the logical flow of the arguments are appealing. Good to see you getting matured as a journalist.

  35. Pai says:

    Good one.
    The website ‘daijiworld.com’ is going out of control with its anti-Hindu obsession. It’s amazing how openly they support radical Islamic groups to promote their anti-Hindu agenda. It’s only a mattre of time before the editor of the dishonest ‘daiji’ site ends up in a serious trouble due to his own actions.

  36. nirmal says:

    hi…
    the every word u said is 101% rite…
    see how media people r shown mumbai attack.which helps terrorist lots.
    Media people are doing idis for the sake of the business.First govt should regulate dis by restricting the number of news channels so their will less capitation.
    see the movie MUMBAI MERI JAAN its a fantastic, lesson movie for who humble the news(which has no true value)……
    In India first we have to ban the ಮಹಿಳಾ ಆಯೋಗ mathe human rights(dontknow proper name)dis people act as internal terrorist because a terrorist can kill the thousands but we cannot kill the terrorist…..when bomb bland happens their will be no human right commission will come but if we want to hang a terrorist dis human right commission rise its voice.wat happens to its voice when a 100’s of innocents killed in a blasts or attacks??? ಮಹಿಳಾ ಆಯೋಗ is also same type.

  37. Avinash shetty says:

    Boss just superb… you are the best..

  38. Avinash shetty says:

    Boss just superb… Nice artical.. this is the mixture of all

  39. srinivasareddy says:

    hi pratap….
    super artical..

  40. mohan says:

    pratiyobbaradu ondondu style,venkatachala avradu ondu style.

  41. mohan says:

    lokaayuktakke meragu thandu kottavaru venkatachala,avarige munche janakke alokayuktada bagge astondu aasaktiyiralilla.

  42. Banavase says:

    ಪ್ರಚಾರಕ್ಕಾಗಿ ಮಾಧ್ಯಮಗಳನ್ನು ಬಳಸಿಕೊಳ್ಳುವ ಕೆಟ್ಟ ಚಾಳಿ ಯನ್ನು ಕರ್ನಾಟಕದಲ್ಲಿ ಆರಂಭಿಸಿದ್ದು ಮಾಜಿ ಲೋಕಾಯುಕ್ತ ನ್ಯಾಯಮೂರ್ತಿ ವೆಂಕಟಾಚಲ! ನ್ಯಾ.ವೆಂಕಟಾಚಲ ಅವರು ಮಾಧ್ಯಮಗಳಿಗೆ ಬಿಸ್ಕತ್ತು ಹಾಕುವುದನ್ನು ಆರಂಭಿಸಿದರು. Sorry to say…above lines are the worst part of this article.
    Hope Mr. Mutalik and all media people have read this article. Thanks Pratap.

  43. kiranshetty says:

    hai brother
    It was excellent,whatever whomever say any thing u t just superb

  44. Sindhoo says:

    Hello Prathapa simha,

    I found this article very good. Similar news are telecast repeatedly on channels like NDTV. I too wondered many a time, whether these channels keep waiting for some kind of ‘masala’, whenever some violence happens.

  45. Ninganna says:

    Hello Prathap,
    Your articles are superb and eye openers.

  46. M Reddy says:

    Dear Prathap,

    Fabulous, your analyzing skills set buy up the topic and contents. you are one of the best guy in canvassing any topic and how to deal with the contents.
    Thanks for the great analysis, really appreciate your skill set and endowment. keep it up dude!